پاکستان کے سب سے بڑے شہر کراچی میں زلزلے کے جھٹکے محسوس کیے گئے ہیں۔

زلزلہ پیما مرکز کے مطابق صدر، اولڈسٹی، کلفٹن اور کورنگی سمیت مختلف علاقوں میں زلزلے کے جھٹکے محسوس کیے گئے ہیں۔

زلزلے کی شدت 3.2 ریکارڈ کی گئی جب کہ زلزلے کا مرکز کراچی سے 15 کلومیٹر شمال مشرق میں تھا۔ زلزلےکی گہرائی 22 کلومیٹر ریکارڈ کی گئی۔

اس سے قبل رواں سال 24 جولائی کو بھی مختلف علاقوں میں زلزلے کے جھٹکے آئے تھے۔ ملیر، لانڈھی، قائد آباد، کاٹھور اور گڈاپ میں زلزلے کے جھٹکے محسوس کیے گئے تھے ان کی شدت 3.2 اور گہرائی 12 کلو میٹر ریکارڈ کی گئی تھی۔ جھٹکے 8 بج کر 50 منٹ پر محسوس کیے گئے تھے۔