The news is by your side.

Advertisement

شکرقندی کے وہ فائدے جو بہت کم لوگ جانتے ہیں! ‏

کولیسٹرول کے مریضوں کے لیے خوشخبری، ماہرین نے شکرقندی میں کولیسٹرول کا علاج ڈھونڈ لیا، یہ کورونا کی بدلتی صورتحال میں بھی بہترین ڈھال بن سکتی ہے

فی زمانہ کولیسٹرول ایک عام مرض بن گیا ہے اور تقریباْ ہر گھر میں کولیسٹرول کے مریض موجود ہیں جو اس سے نجات کے لیے علاج کے ساتھ مختلف ٹونے ٹوٹکے استعمال کرتے ہیں، مگر اب انہیں پریشان ہونے کی ضرورت نہیں کیونکہ ماہرین نے اس کا سستا اور خوش ذائقہ علاج ڈھونڈ لیا ہے جو باآسانی دستیاب بھی ہے۔

جی ہاں بات ہورہی ہے شکرقندی کی، جو ان دنوں پاکستان بھر میں ٹھیلوں پر فروخت ہوتی نظر آتی ہے اور لوگوں سردیوں کی سوغات سمجھ کو ذوق وشوق سے کھاتے ہیں۔

شکرقندی سردیوں کی سوغات کے ساتھ مختلف امراض کا علاج بھی ہے، خصوصاْ کولیسٹرول کے مریض اب بے فکر ہوکر اسے بطور دوا بھی کھا سکتے ہیں۔

خون کو گاڑھا کرکے امراض قلب اور فالج کا خطرہ بڑھانے والے کولیسٹرول کو کم کرنے کے لیے برطانیہ کی لائپڈ ایسوسی ایشن نے شکرقندی کو بہترین غذائی دوا قرار دیا ہے۔

شکرقندی میں سب سے اہم جزو فائبر ہے جو خون کو گاڑھا ہونے سے روکتا ہے اور اس کا ریشہ زود ہضم ہوکر آنتوں میں جذب ہوجاتا ہے جو خون میں پہنچ کر کولیسٹرول کو گھٹانا شروع کردیتا ہے۔

امریکی ماہرین کے مطابق ایک درمیانے درجے کی شکرقندی وٹامن اے کی یومیہ مقدار سے بھی چار گنا زائد وٹامن فراہم کرتی ہے اور دل وگردوں کی حفاظت کے ساتھ قوت مدافعت بڑھاتی ہے۔

مایو کلینک کی ویب سائٹ کے مطابق شکرقندی سپرفوڈ میں شامل ہے جبکہ ایم ڈی جیسی مصدقہ ویب سائٹ نے بھی کہا ہے کہ اپنے غذائی اجزا کے باعث شکرقندی پورے سال غذا کا حصہ بنائی جاسکتی ہے۔

صرف کولیسٹرول ہی نہیں بلکہ شکرقندی میں موجود کیریٹیونوئڈز اور مختلف اقسام کے آکسیڈنٹس سرطان جیسے موذی مرض سے بچانے کی بھی صلاحیت رکھتے ہیں، اس میں وٹامن بی، سی، ڈی کے علاوہ کیلشیئم، فولاد، فاسفورس اور تھایامن کی وافر مقدار بھی موجود ہوتی ہے۔

Comments

یہ بھی پڑھیں