The news is by your side.

Advertisement

ای سی سی نے پاکستان ٹریڈنگ کارپوریشن کو 2 لاکھ ٹن گندم درآمد کی اجازت دےدی

اسلام آباد : مشیرخزانہ حفیظ شیخ کی زیرصدارت اقتصادی رابطہ کمیٹی کے اجلاس میں پاکستان ٹریڈنگ کارپوریشن کو 2 لاکھ ٹن گندم درآمد کی اجازت دے دی گئی۔

تفصیلات کے مطابق مشیرخزانہ حفیظ شیخ کی زیرصدارت اقتصادی رابطہ کمیٹی کااجلاس ہوا، اجلاس میں ایکسپورٹ سیکٹر کے لیے بجلی کےاسپیشل پیکج پرغور کیا گیا اور گندم کی درآمد سمیت اسٹاک کی صورتحال پربریفنگ دی گئی۔

ای سی سی نے پاکستان ٹریڈنگ کارپوریشن کو2لاکھ ٹن گندم درآمدکی اجازت دے دی ، بریفنگ میں بتایا گیا کہ نجی شعبے نے5لاکھ ٹن گندم درآمد شروع کردی، پہلا جہاز 26اگست کوپاکستان پہنچ جائے گا، جہاز آنےسے ملک میں گندم کی قیمتوں میں استحکام آئے گا۔

ذرائع کے مطابق اجلاس میں افغان ٹرانزٹ ٹریڈکےکنٹینرزکےپورٹ چارجزمعاف کرنےکی سمری پیش کی گئی۔

گذشتہ مشیر ای سی سی اجلاس میں روز ویلٹ ہوٹل نیو یارک کو مالی امداد کی فراہمی کی منظوری دی گئی تھی ، پی آئی اے کے ذمے روز ویلٹ ہوٹلز کے 105 ملین ڈالرز ادا کیے جاسکیں گے۔

اجلاس میں پائیدارترقی اہداف پروگرام کے لیے 8ارب سےزائدکےفنڈ اور اے ڈی بی کو آف شور بانڈز کے اجرا کی منظوری دے دی گئی ، بانڈز مارکیٹ کی صورتحال دیکھتے ہوئے جاری کیےجائیں گے۔

ای سی سی نے کامیاب جوان پروگرام تمام شہریوں کے لیےبلا امتیازشروع کرنے، ٹریول اور ٹوارازم کےلیےسالانہ فیس کی چھوٹ کی منظوری بھی دی، اقدام سے ایک سال کے دوران 17 ارب کی سہولت مل سکے گی۔

Comments

یہ بھی پڑھیں