اسلام آباد : اقتصادی رابطہ کمیٹی نے ڈریپ کی سفارش پر ادویات کی قیمتوں میں اضافے کی سمری منظور کرلی۔
تفصیلات کے مطابق وزیرخزانہ اسحاق ڈار کی زیرصدارت اجلاس میں اقتصادی رابطہ کمیٹی کا اجلاس ہوا ، جس میں ادویات کی قیمتوں میں اضافے کی سمری منظور کرلی گئی۔
اقتصادی رابطہ کمیٹی کی جانب سے ادویات کی قیمتوں میں اضافہ ڈریپ کی تجویز پر کیا گیا۔
اجلاس میں کابینہ ڈویژن کیلئے تین ارب روپےکی تکنیکی سپلیمنٹری گرانٹ کی منظوری بھی دی گئی۔
اس کے علاوہ سپریم کورٹ اور ججزکی رہائش گاہوں کی ضروری مرمت کیلئے چوراسی کروڑ فنڈز منظوری کے ساتھ ساتھ ربیع سیزن کیلئے گندم کے بیج پر سبسڈی کی سمری بھی منظور کرلی۔
اس مد میں وزارت تخفیف غربت و سماجی تحفظ کوآٹھ اعشاریہ تین نوارب روپے گرانٹ ملے گی، یہ رقم بے نظیرانکم سپورٹ پروگرام کے تحت کسانوں میں تقسیم کی جائے گی۔
Comments
- Advertisement -
