اسلام آباد : مشیر خزانہ عبدالحفیظ شیخ کی زیر صدارت اقتصادی رابطہ کمیٹی کے اجلاس میں 2.5ارب روپے کے رمضان ریلیف پیکیج کی منظوری دے دی گئی۔
تفصیلات کے مطابق مشیرخزانہ کی زیرصدارت اقتصادی رابطہ کمیٹی کااجلاس ہوا،جس میں 11 نکاتی ایجنڈا پر غور کیا گیا۔
ای سی سی نے2.5ارب روپے کے رمضان ریلیف پیکیج کی منظوری دے دی اور بجلی صارفین کو ریلیف دینے سے متعلق سمری پر فیصلہ مؤخر کردیا۔
اجلاس میں کارکےکیس میں لیگل فیس کیلئے1.5ملین ڈالرکی سپلیمنٹری گرانٹ اور احساس پروگرام کے تحت رقوم کی ترسیل پر30جون تک ٹیکس چھوٹ کی منظوری دی ، ملک بھر میں ایک کروڑ 20لاکھ افرادمیں رقوم تقسیم کی جائیں گی۔
اجلاس میں وزیراعظم یوتھ بزنس لون اسکیم کیلئے84 کروڑکےسبسڈی چارجز کی منظوری دے دی گئی جبکہ پاکستان نیوکلیئر یگولیٹری اتھارٹی کیلئے9 کروڑ سے زائد کی ضمنی گرانٹ اور پنجاب رینجرز کے ہیلی کاپٹر کی مرمت کیلئے50 لاکھ کی گرانٹ بھی منظور کی گئی۔
ذرائع کا کہنا ہے کہ کےپی میں ایف سی ٹریننگ سینٹر کے قیام کے پیشگی فنڈ جاری کرنے بھی کی منظوری دی۔
