اسلام آباد: کابینہ کی اقتصادی رابطہ کمیٹی کا اجلاس ملتوی کردیا گیا ، ای سی سی کے اجلاس میں چھ نکاتی ایجنڈے پر غور کیا جانا تھا تاہم اب اجلاس کل ہوگا۔
تفصیلات کے مطابق وزیر خزانہ عبد الحفیظ شیخ کی زیرصدارت اقتصادی رابطہ کمیٹی کا آج ہونے والا اجلاس ملتوی ہوگیا ، وزارت خزانہ کا کہنا ہے کہ وزیراعظم ہاؤس میں مصروفیات کے باعث اجلاس ملتوی کیا گیا ، ای سی سی کا اجلاس اب کل ہوگا۔
ای سی سی کے اجلاس میں چھ نکاتی ایجنڈے پر غور کیا جانا تھا، وزارت صنعت و پیداوار چینی کی درآمدپرٹیکس چھوٹ کی سمری پیش کرےگی جبکہ ٹیکسٹائل پالیسی 25-2020اجلاس کے ایجنڈے میں شامل ہیں، گزشتہ اجلاس میں ٹیکسٹائل پالیسی کی منظوری مؤخر کردی گئی تھی۔
اجلاس میں روڈ ٹو مکہ پراجیکٹ کووسعت دینےکی تجویزپیش کی جائےگی اور وزارت مذہبی امور روڈٹو مکہ منصوبے سےمتعلق سمری پیش کرےگی ، حکام کا کہنا تھا کہ روڈ ٹو مکہ منصوبے کے تحت حج پر جانے والوں کوامیگریشن کی سہولت دی گئی ، سہولت اسلا آباد,کراچی,لاہور,پشاور ایئر پورٹ کےلیےدی گئی ۔
حکام نے بتایا کہ پاکستان کوفروری 2019 میں روڈ ٹومکہ منصوبے میں شامل کیا گیا ، سعودی ولی عہدکےدورہ پاکستان میں پاکستان منصوبے میں شامل ہوا ، وزیر اعظم نے جولائی 2019 میں روڈ ٹو مکہ منصوبے کا افتتاح کیا تھا۔
قومی فریٹ اینڈ لاجسٹکس پالیسی ای سی سی کے ایجنڈے میں شامل ہیں جبکہ ایف سی بلوچستان نارتھ کے ہیلی کاپٹر کےپرزہ جات کیلئےفنڈز کےاجرا پرغورہوگا۔
وزارت داخلہ نےہیلی کاپٹر کے پرزوں کیلئےایک کروڑکی ضمنی گرانٹ مانگی ہے ، وزارت منصوبہ بندی 16ارب 62 کروڑ89 لاکھ کی ضمنی گرانٹ کیلئےسمری پیش کرے گی۔
