اسلام آباد، اقتصادی تعاون تنظیم کی کانفرنس یکم مارچ کو ہوگی - ARYNews.tv | ECO
The news is by your side.

Advertisement

اسلام آباد، اقتصادی تعاون تنظیم کی کانفرنس یکم مارچ کو ہوگی

اسلام آباد : اقتصادی تعاون تنظیم (ای سی او) کی عالمی کانفرنس یکم مارچ کو منعقد ہو گی جس کے لیے دارالحکومت میں انتظامیہ کی جانب سے تعطیل کا اعلان کیا گیا ہے۔

تفصیلات کے مطابق اقتصادی تعاون تنظیم کی کانفرنس یکم مارچ کو اسلام آباد میں منعقد کی جائے گی جس کے حوالے سے تمام تیاریاں مکمل کر لی گئی ہیں۔

اس حوالے سے سینئر حکام (ایس او ایم) کے اجلاس کا اعلامیہ جاری کردیا گیا ہے جس کے تحت سینئر حکام نے سربراہ اجلاس کے لیے سفارشات کی منظوری دے دی ہے جب کہ اعلان میں رکن ممالک کےدرمیان تجارت، روابط، مواصلات اور توانائی کے شعبےمیں تعاون پراتفاق کیا گیا ہے۔

اس حوالے سے سیکرٹری خارجہ اعزاز چوہدری نے اپنی پریس کانفرنس میں کہا ہے کہ ای سی او سربراہ اجلاس کی تیاری مکمل کر لی گئی ہے اقتصادی تعاون تنظیم کانفرنس میں شرکت کے لیے تمام وزرائے خارجہ آج پہنچ رہے ہیں۔

سیکریٹری خارجہ کا کہنا تھا کہ سربراہ اجلاس پاکستان اور ای سی او کے لیے تاریخی موقع ہے جس کے لیے دارالحکومت میں منعقد ہونے والی اقتصادی تعاون تنظیم کانفرنس کے موقع پر انتظامیہ نے عام تعطیل کا اعلان کیا ہے۔

Comments

comments

یہ بھی پڑھیں