اسلام آباد : ماہر معاشیات عزیر یونس نے آئی ایم ایف کے چنگل سے نکلنے کا فارمولا بتاتے ہوئے کہا کہ اشرافیہ کو ساڑھے 17 ارب ڈالر مراعات ملتی ہے ، مراعات ختم کرنی ہوں گی ورنہ مسئلہ برقرار رہے گا۔

تفصیلات کے مطابق ماہرمعاشیات عزیر یونس نے اے آر وائی نیوز کے پروگرام آف دی ریکارڈ میں گفتگو کرتے ہوئے آئی ایم ایف معاہدے کے بعد دیوالیہ کی بات توٹل گئی، حکومت سالانہ ساڑھے17ارب ڈالر مراعات میں دیتی ہے، جب تک مراعات کم نہیں کی جائیں گی مسئلہ رہے گا۔

عزیریونس کا کہنا تھا کہ حکومت اپنے اخراجات کم کرنے کو راضی نہیں ہے، اشرافیہ نے ملک پر قبضہ کررکھا ہے، معاشی استحکام کیلئے اصلاحات کی ضرورت ہے۔

ماہرمعاشیات نے کہا کہ پاکستان میں ٹیکس پرچوری پرچوری کی جاتی ہے کوئی پوچھنے والا نہیں، لوگوں کو پکڑنے کے بجائےصرف قرض لیتے رہیں گے تو کام نہیں چلے گا، ہمیں زرعی شعبے میں اصلاحات لانا ہوں گی۔

ان کا مزید کہنا تھا کہ پاکستان کو غذائی قلت کے ساتھ ساتھ مہنگائی کا مسئلہ ہے، خوراک کی کمی کابحران بیروزگاری اور مہنگائی کو جنم دیتا ہے، سامنے کی سیدھی سیدھی چیزوں کوٹھیک کرلیں تو معاملہ ٹھیک ہوسکتا ہے۔