spot_img

تازہ ترین

کراچی میں موسلا دھار بارش کا کوئی امکان نہیں، چیف میٹرولوجسٹ

چیف میٹرولوجسٹ سردار سرفراز نے کہا ہے کہ کراچی...

ایاز صادق قومی اسمبلی کے اسپیکر منتخب

مسلم لیگ ن کے سردار ایاز صدیق قومی اسمبلی...

کمالیہ: بارش میں گھر کی چھت گر گئی، ماں باپ اور بیٹا جاں بحق

کمالیہ کے علاقے فاضل دیوان میں مسلسل اور تیز...

حکومت نے پیٹرول کی قیمت میں اضافہ کردیا

نگراں حکومت نے پیٹرول کی قیمت میں 4 روپے...

بلوچستان اور کے پی میں امن و امان کی بگڑتی صورتحال: الیکشن کمیشن کا ہنگامی اجلاس آج طلب

اسلام آباد: بلوچستان اور کے پی میں امن و امان کی بگڑتی صورتحال کے پیش نظر الیکشن کمیشن کا ہنگامی اجلاس آج ہوگا، جس میں الیکشن کمیشن کو امن وامان کی صورتحال پر بریفنگ دی جائے گی۔

تفصیلات کے مطابق ملک میں انتخابی مہم کے دوران حملے اور پُرتشدد واقعات پر الیکشن کمیشن کی اہم بیٹھک آج ہوگی۔

چیف الیکشن کمشنر سکندرسلطان راجہ اجلاس کی صدارت کریں گے، نگراں وزیر داخلہ گوہر اعجاز اور سیکرٹری داخلہ اجلاس میں شریک ہوں گے۔

وزیر داخلہ،سیکرٹری داخلہ،چیف سیکرٹریزبلوچستان اور کے پی کو طلب کرلیا گیا ہے، بلوچستان خیبرپختونخواکے آئی جیز پولیس ،حساس اداروں کے حکام اجلاس میں شرکت کریں گے۔

اجلاس میں بلوچستان اور خیبرپختو ںخوا میں امن و امان کی بگڑتی صورتحال کا جائزہ لیا جائے گا اور الیکشن کمیشن حکام کوامن وامان سے متعلق بریفنگ بھی دی جائے گی۔

گزشتہ روز انتخابی مہم کےدوران مختلف شہروں میں دستی بم حملےاورفائرنگ میں ایک امیدوارسمیت دوافرادجاں بحق اورمتعددزخمی ہوئے۔

سریاب روڈ پر پیپلز پارٹی کے انتخابی دفتر پر دستی بم حملہ کیا گیا، جس میں پانچ افراد زخمی ہوئے، دوسرے واقعے میں چمن میں میزئی اڈہ میں عوامی نیشنل پارٹی کے انتخابی دفتر پر مسلح افراد نے فائرنگ کردی ، جس سے اے این پی رہنما ظہور احمد جاں بحق ہوگئے۔

باجوڑ میں این اے آٹھ سے آزاد امیدوار ریحان زیب کو فائرنگ کر کے قتل کردیا گیا تھا۔

اس سے قبل بلوچستان کے علاقے سبی میں بھی پی ٹی آئی کی ریلی میں دھماکے سے 4 افراد جاں بحق اور کئی زخمی ہو گئے تھے۔

Comments

- Advertisement -