اسلام آباد : الیکشن کمیشن انتخابات 2018 کے نتائج نادرا سے منسلک موبائل سے وصول کرے گا، نادرا نے سسٹم منسلک کرنے کے لئے اقدامات کا آغاز کردیا ہے۔
تفصیلات کے مطابق الیکشن نتائج کے ترسیلی نظام کو نادرا سے منسلک کرنے پر اہم پیش رفت سامنے آئی ، الیکشن کمیشن عام انتخابات 2018 کے نتائج کی ترسیل کیلئے نادرا کا جدید نظام کرے گا۔
الیکشن کمیشن حکام کے مطابق اس سلسلے میں نادرا ٹیمیں ملک بھر کے اضلاع میں پہنچ گئی، نادرا ٹیمیں ریٹرننگ افسران سے ملاقاتیں کریں گی اور اٹھارہ سے اکیس جولائی تک ٹیمیں نظام کومنسلک کریں گی جبکہ پریذائیڈنگ افسران کوطلب کرکے نظام منسلک کیا جائے گا۔
الیکشن کمیشن حکام کا کہنا ہے کہ اینڈرائیڈ فون نہ ہونے پراسسٹنٹ پی او کا موبائل منسلک کیا جائے گا، نادرا تمام ریکارڈ اکیس جولائی کے بعد الیکشن کمیشن کو مہیاکرے گا۔
الیکشن کمیشن نادرا سے منسلک موبائل سے ہی نتائج وصول کرے گی۔
واضح رہے کہ ملک بھر میں 25 جولائی کو عام انتخابات کا انعقاد کیا جارہا ہے ، جس کی تیاریوں کو حتمی شکل دی جارہی ہے اور اس روز عام تعطیل کا بھی اعلان کر رکھا ہے۔
