اسلام آباد : الیکشن کمیشن نے تحریک انصاف کے 35 اراکین کو ڈی نوٹی فائی کردیا اور مزید 35 حلقوں کو خالی قرار دے دیا۔
تفصیلات کے مطابق الیکشن کمیشن نے تحریک انصاف کے 35 اراکین کو ڈی نوٹی فائی کردیا، اسپیکر کی ہدایت پر الیکشن کمیشن نے پی ٹی آئی کے 35 ممبران کو ڈی نوٹیفائی کیا۔
الیکشن کمیشن نے 35 ممبران کے ڈی نوٹیفائی کرنے کا نوٹیفکیشن جاری کردیا ، جس میں کہا گیا کہ 31جنرل نشستوں اور4 مخصوص نشستوں پر کامیاب خواتین کوڈی نوٹیفائی کیا گیا۔
نوٹیفکیشن میں الیکشن کمیشن نے مزید35 حلقوں کو خالی قرار دے دیا۔
ڈی نوٹیفائی ہونے والے ارکان میں ڈاکٹر حیدر علی خان، سلیم الرحمان، صاحبزادہ صبغت اللہ،محبوب شاہ ، بشیر خان، جنید اکبر ،شیر اکبر خان، علی خان جدون، انجینئرعثمان ترکئی ، مجاہد علی، ارباب عامر، شیر علی ارباب، شاہد احمد، گل دادخان شامل ہیں۔
اس کے علاوہ ساجد خان، اقبال خان، عامر کیانی، سید فیض الحسن، شوکت علی بھٹی ، عمر اسلم، امجد علی خان، خرم شہزاد ،فیض اللہ ، ملک کرامت کھوکھر، سید فخر امام، ظہور حسین، طاہر اقبال، ابراہیم خان، اورنگزیب خان ڈی نوٹیفائی ہونے والوں میں شامل ہیں۔
مخدوم خسرو بختیار،عبدالمجید خان ، عندلیب عباس، عاصمہ قدیر، ملیکہ بخاری اور منورہ بلوچ کو بھی ڈی نوٹیفائی کرکے حلقہ خالی قرار دے دیا۔
یاد رہے اسپیکر قومی اسمبلی نے آج تحریک انصاف کے 35 مزید استعفے منظور کئے تھے اور مزید کارروائی کے لئے الیکشن کمیشن کو بجھوائے تھے۔
