اسلام آباد : الیکشن کمیشن نے مینجمنٹ سسٹم کے ذریعے نتائج کیلئے ایک اور تجرباتی مشق کرنے کا فیصلہ کرلیا، ای ایم ایس کی پیشگی مشق26 جنوری کو کی جائے گی۔
تفصیلات کے مطابق عام انتخابات کے لئے تیاریاں 75 فیصد مکمل کرلی گئی اور الیکشن کمیشن کے ای ایم ایس پر تجربے جاری ہے۔
الیکشن کمیشن نے مینجمنٹ سسٹم کے ذریعے نتائج کیلئے ایک اور تجرباتی مشق کرنے کا فیصلہ کرلیا، اس حوالے سے چاروں صوبائی الیکشن کمشنرز کو مراسلہ ارسال کر دیا گیا ہے۔
ای ایم ایس تجربہ کے لئے تمام ریٹرننگ افسران کو مراسلہ بھجوا دیا گیا ہے، جس میں کہا ہے کہ ای ایم ایس کی پیشگی مشق26 جنوری کو کی جائے گی، قومی و صوبائی اسمبلیوں کےآراوز26 جنوری کو رزلٹ کی تیاری کیلئے تجرباتی مشق کریں۔
مراسلے میں کہا ہے کہ نتائج کی تیاری کےلئے مشق ریٹرننگ افسران کے دفاتر میں کی جائے گی۔
الیکشن کمیشن نے ای ایم ایس کی مشق سے متعلق ایس او پیز جاری کر دیے ہیں، جس میں کہا ہے کہ آراو 25 جنوری تک فارم 28اور 33 میں اندراج مکمل کریں گے، پریذائیڈنگ افسر 25 جنوری تک پولنگ سٹیشن کامیپ بھجوائیں گے۔
مراسلے میں کہنا ہے کہ پریذائیڈنگ افسران کو آر اوز 25 جنوری تک ڈمی اندراج شدہ فارم 45 مہیا کریں گے، پریذائیڈانگ افسران قومی و صوبائی اسمبلی کے فارم 45 پر نتائج 26 جنوری کو شام 5 بجے بھیجیں گے۔
ایس او پیز کے مطابق پریذائیڈنگ افسران فارم 45 کی موبائل فوٹو لے سکتے ہیں، 26جنوری شام 5 بجے سے ای ایم ایس آپریٹر ڈیٹا کا اندراج شروع کر دے گا، فارم45اندراج کےبعدریٹرننگ افسر فارم47تیارکرکےالیکشن کمیشن کوبھیجے گا۔
الیکشن کمیشن کی انتخابی عمل کے دوران چوتھی بار ای ایم ایس کی تجرباتی مشق کررہا ہے۔
