اسلام آباد : الیکشن کمیشن نے مرکزی سیکریٹریٹ میں پنجاب اسمبلی کے عام انتخابات سے متعلق آن لائن اسکروٹنی سیل قائم کر دیا۔
تفصیلات کے مطابق الیکشن کمیشن نے پنجاب اسمبلی کے عام انتخابات سے متعلق آن لائن اسکروٹنی سیل قائم کر دیا۔
تمام ریٹرننگ افسران اُمیدواروں کے کاغذات نامزدگی کی جانچ پڑتال کریں، 297 آر اوز کیلئے مرکزی سیکریٹریٹ میں آن لائن اسکروٹنی سیل قائم کر دیا ہے.
کوائف کیلئےضروری پرفارمہ،ایس او پیز ریٹرننگ افسران کو مہیا کر دیئے گئے ، سیل 3 ٹیموں پر مشتمل ہے اور 24 گھنٹے کام کر رہا ہے، فیکس ، ٹیلی فون اور انٹرنیٹ کی سہولت ہے،سسٹم کیلئےاسپیشل سافٹ ویئر تیار کیا ہے.
آن لائن اسکروٹنی سیل درج ذیل مراحل پرمشتمل ہے، آراوز امیدواروں کےکوائف آن لائن اسکروٹنی سیل کو روزانہ کی بنیادپربھیجے گا، امیدواروں کے کوائف اسکروٹنی سافٹ ویئر میں فیڈ کیے جائیں گے.
نادرا، ایف بی آر ، نیب ،ا سٹیٹ بینک،ایف آئی اے نےفوکل پرسنز، ٹیمیں تشکیل دیدیں، ضروری کوائف و دیگرریکارڈکی جانچ پڑتال کےبعدیہ معلومات الیکشن کمیشن کو مہیا کریں گے.
اسلام آباد:معلومات ریٹرننگ آفیسروں کو فوری طور پر مہیا کی جائیں گی، اسکروٹنی کے عمل میں ریٹرننگ افسران کی بروقت معاونت کو یقینی بنایا جا سکے.
