اسلام آباد : الیکشن کمیشن نے سیاسی جماعتوں کو کالعدم قرار دینے کے معاملے پر وضاحت دیتے ہوئے کہا ہے کہ کوئی پارٹی ملکی سالمیت کیلئے مضر ہو تو وفاقی حکومت اعلان کرے گی۔
تفصیلات کے مطابق الیکشن کمیشن آف پاکستان نے سیاسی جماعتوں کو کالعدم قرار دینے سے متعلق وضاحتی بیان میں کہا ہے کہ سیاسی جماعت پر پابندی آرٹیکل 17ٹو، الیکشن ایکٹ 212 کے تحت ہے، کوئی پارٹی ملکی سالمیت کیلئے مضر ہو تو وفاقی حکومت اعلان کرے گی۔
الیکشن کمیشن کا کہنا تھا کہ وفاقی حکومت نے سیاسی جماعت پر پابندی کے لیے 15 دن کے اندر ریفرنس سپریم کورٹ کو بھیجنا ہوتا ہے۔اگر سپریم کورٹ ریفرنس کے حق میں فیصلہ دے تو متعلقہ سیاسی جماعت فوری طور پر تحلیل تصور ہوگی۔
الیکشن کمیشن کے مطابق سپریم کورٹ کے فیصلے پر الیکشن کمیشن متعلقہ سیاسی جماعت کے ارکان قومی و صوبائی اسمبلی یا لوکل گورنمنٹ بننے کے لئے نااہل قرار دے گا۔
