بدھ, جولائی 2, 2025
اشتہار

الیکشن کمیشن کا عام انتخابات سے متعلق تیاریوں پر اظہار اطمینان

اشتہار

حیرت انگیز

اسلام آباد : الیکشن کمیشن نے عام انتخابات سے متعلق تیاریوں پر اطمینان کا اظہار کردیا،الیکشن کمیشن کے تمام ونگز انتخابی منصوبہ بندی کے مطابق تیار ہے۔

تفصیلات کے مطابق الیکشن کمیشن کا عام انتخابات سے متعلق اہم اجلاس ہوا ، جس میں عام انتخابات کی تیاریوں پر بریفنگ دی گئی۔

الیکشن کمیشن کے تمام ونگز انتخابی منصوبہ بندی کے مطابق تیار ہے ، الیکشن کمیشن نے اب تک کی تیاریوں پر ظہار اطمینان کیا۔

ذرائع کے مطابق اجلاس کے دوران بریفنگ میں بتایا گیا کہ الیکشن کمیشن نے بیلٹ پیپرز کیلئے بھی کاغذ حاصل کر لیا ہے اور انتخابات کےلئے دیگر ضروری سازوسامان بھی خرید لیا گیا ہے۔

بعض ضروری کاغذات کی پرنٹنگ سے بھی اجلاس کو آگاہ کیا گیا اور حلقہ بندیوں کی تکمیل کے بعد امور پر بھی بریفنگ دی گئی۔

اجلاس میں انتخابی فہرستوں کی تیاری بارے بھی آگاہ کیا گیا اور پولنگ اسٹاف کے اعدادوشمار کا بھی جائزہ لیا گیا۔

الیکشن کمیشن کو انتخابی عملےکی تربیت ،آر ایم ایس کس طرح استعمال ہو گا کی حکمت عملی پربھی بریفنگ دی گئی۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں