اسلام آباد: الیکشن کمیشن آف پاکستان نے عام انتخابات 2018 میں قومی و صوبائی نشستوں پر حصہ لینے والے تمام صوبوں کے امیدواروں کی فہرست جاری کردی۔
تفصیلات کے مطابق الیکشن کمیشن آف پاکستان نے امیدواروں کے کوائف نام، بمعہ حلقہ، سیاسی وابستگی، انتخابی نشان والے فارم 33 کو ویب سائٹ پر جاری کی ساتھ ہی چاروں صوبائی الیکشن کمیشنز کو بھی امیدواروں کی تفصیلات پبلک کرنے کا حکم دیاْ
ای سی پی کی جانب سے جاری فہرست کے مطابق ملک بھر قومی و صوبائی 849 حلقوں سے 12 ہزار کے قریب عام انتخابات میں حصہ لے رہے ہیں جن میں قومی اسمبلی کی نشستوں پر 3 ہزار 675 امیدوار مد مقابل ہیں جبکہ صوبائی کے لیے 8 ہزار 895 امیدوار میدان میں اتریں گے۔
الیکشن کمیشن آف پاکستان نے رحیم یار خان، لاہور اور راجن پور سے حصہ لینے والے امیدواروں کے فارم ابھی ویب سائٹ پر نہیں شیئر کیے، البتہ جو فہرست سامنے آئی اُس میں سیاسی جماعتوں سے زیادہ آزاد امیدواروں کی تعداد ہے۔
خیبرپختونخواہ: حلقہ این اے 1 چترال سے این اے 51 ٹرائبل (قبائلی علاقے) تک کی تفصیل
خیبرپختونخواہ صوبائی اسمبلی حلقہ پی کے 1 سے پی کے 99 ڈیرہ اسماعیل خان
پنجاب: حلقہ این اے 52 سے این اے 195 تک کی تفصیل
صوبائی اسمبلی پی پی 1 اٹک سے پی پی 292 ڈیرہ غازی خان
سندھ: حلقہ این اے 196 جیکب آباد سے کراچی حلقہ 256 تک کی تفصیل
صوبائی اسمبلی پی ایس 1 جیکب آباد سے پی ایس 130کراچی
بلوچستان: حلقہ این اے 257 قلعہ سیف اللہ کم ژوب کم شیرانی سے این اے 272 لسبیلہ کم گوادر تک کی تفصیلات
صوبائی اسمبلی پی بی 1 موسیٰ خیل سے پی بی 51 گوادار تک کی تفصیل
