site
stats
پاکستان

نوازشریف کی اسمبلی رکنیت ختم، نوٹی فکیشن جاری

اسلام آباد: الیکشن کمیشن نے نوازشریف کی اسمبلی رکنیت ختم کرنے کا نوٹی فکیشن جاری کردیا۔

ذرائع کے مطابق پاناما فیصلہ آنے کے بعد سپریم کورٹ کی ہدایت کے پیش نظر الیکشن کمیشن نے نوازشریف کی نااہلی کا نوٹی فکیشن چیف الیکشن کمیشن کی منظوری کے بعد تیار کیا۔

قائم مقام چیف الیکشن کمشنز کی منظوری کے بعد نوازشریف کی نا اہلی کا نوٹی فکیشن جاری کیا گیا، نوازشریف قومی اسمبلی کے حلقہ این اے 120 سے اسمبلی رکن منتخب ہوئے تھے۔

پڑھیں: پاناما کیس: وزیراعظم نوازشریف نا اہل قرار

یاد رہے سپریم کورٹ آف پاکستان نے آج بتاریخ 28 جولائی کو پاناما کیس کا تفصیلی فیصلہ سنایا جس میں نوازشریف کو نااہل قرار دیا گیا جبکہ اسحاق ڈار، کپیٹن صفدر، حسن، حسین اور مریم کے خلاف نیب میں ریفرنس دائر کرنے کے احکامات جاری کیے۔

مزید پڑھیں: نواز شریف نااہل: ن لیگ کے کارکن سراپا احتجاج

عدالتی فیصلے کے بعد نوازشریف نے بطور وزیراعظم اپنے عہدے سے استعفیٰ دے دیا تھا جس کے بعد وفاقی کابینہ میں ختم ہوگئی۔

نوازشریف کی نااہلی کے فیصلے کے بعد مسلم لیگ ن کے کارکنان میں اشتعال پایا جارہا ہے اور پنجاب کے مختلف علاقوں میں کارکنان نے عدالتی فیصلے پر اپنے شدید غم و غصے کا اظہار کیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top