The news is by your side.

Advertisement

این اے75ڈسکہ ضمنی انتخاب : ن لیگ کے ایم پی اے کو ضابطہ اخلاق کی خلاف ورزی پر نوٹس جاری

ڈسکہ : الیکشن کمیشن نے این اے75ڈسکہ ضمنی انتخاب کے دوران ضابطہ اخلاق کی خلاف ورزی پر مسلم لیگ ن کے ایم پی اے کو شوکاز نوٹس جاری کردیا۔

تفصیلات کے مطابق این اےپچھترڈسکہ میں ضمنی انتخاب میں پولنگ کے دوران ضابطہ اخلاق کی خلاف ورزی پر الیکشن کمیشن نے مسلم لیگ ن کے ایم پی اے ذیشان رفیق کو شوکاز نوٹس جاری کردیا۔

نوٹس میں الیکشن کمیشن نے لیگی ایم پی اے ذیشان رفیق کو 24 گھنٹے میں جواب جمع کرانے کی ہدایت کی ہے۔

لیگی ایم پی اے ذیشان رفیق نےضمنی الیکشن کےدوران حلقے کا دورہ کیا ، ضابطہ اخلاق کے تحت ضمنی الیکشن کے دوران نمائندہ حلقے کا دورہ نہیں کرسکتا۔

ذیشان رفیق کےحلقےمیں پہنچنے پر پی ٹی آئی کارکنان نےانہیں روکا اور کہا آپ رکن اسمبلی ہیں، حلقے میں نہیں جاسکتے جبکہ موقع پر موجود پولیس نے ذیشان رفیق کو حلقے سے جانے کی ہدایت کی۔

یاد رہے الیکشن کمیشن نے این اے پچھترکی حدود میں ارکان اسمبلی کےداخلےپرپابندی عائد کرتے ہوئے کہا تھا کہ پولنگ کےدوران حلقے میں کوئی ایم این اے اور ایم پی اے نہیں جائے گا۔

Comments

یہ بھی پڑھیں