اسلام آباد : الیکشن کمیشن نے مسلم لیگ ن کے مزید نو امیدواروں کی کامیابی کا نوٹیفکیشن جاری کردیا، امیدوار لاہور، سرگودھا، چنیوٹ، فیصل آباد، ننکانہ اور ساہیوال سے کامیاب ہوئے۔
تفصیلات کے مطابق الیکشن کمیشن نے قومی اسمبلی کے مزید 9 امیدواروں کو کامیاب قراردےدیا اور نوٹیفکیشن جاری کردیا۔
کامیاب قرار دیے گئے تمام امیدواروں کا تعلق ن لیگ سے ہے، لاہور، سرگودھا، چنیوٹ، فیصل آباد، ننکانہ اور ساہیوال سے مسلم لیگ ن کے نو امیدواروں کی کامیابی کا اعلامیہ جاری کیا۔
نوٹیفکیشن میں این اے 82سرگودھا سے مختار احمد ملک ، این اے 93چنیوٹ سے غلام محمد ، این اے 94چنیوٹ سےقیصر احمد شیخ اور این اے 98فیصل آباد سے چوہدری محمد شہباز بابر کو کامیاب قرار دیا گیا۔
این اے 112ننکانہ صاحب سے شزرا منصب علی خان کھرل ، این اے 124لاہور سے رانامبشر اقبال ، این اے125لاہور سے محمد افضل، این اے 12 لاہور سے سیف الملوک کھوکر کامیاب قرار دے دیے گئے ہین۔
اس کے علاوہ این اے 129 لاہور سے میاں محمد اظہر اور این اے141ساہیوال سے سید عمران احمد شاہ کامیاب قرار پائے۔
