The news is by your side.

Advertisement

مسلم لیگ ن کے امیدوار کی پی پی 38 سیالکوٹ کا الیکشن کالعدم قرار دینے کی درخواست مسترد

لاہور : الیکشن کمیشن نے مسلم لیگ ن کے امیدوار کی پی پی 38 کا الیکشن کالعدم قرار دینے کی درخواست مسترد کردی، حلقہ پی پی 38 میں ہونے والے ضمنی انتخاب میں تحریک انصاف نے فتح اپنے نام کی تھی۔

تفصیلات کے مطابق الیکشن کمیشن میں مسلم لیگ ن کے امیدوارطارق سبحانی کی پی پی 38 کا الیکشن کالعدم قرار دینے کی درخواست پر فیصلہ نثار احمد درانی اور شاہ محمد جتوئی پر مشتمل دو رکنی بنچ نے سنایا۔

فیصلے میں الیکشن کمیشن نے پی پی 38 کا الیکشن کالعدم قرار دینے کی ن لیگی امیدوار کی درخواست مسترد کردی۔

یاد رہے پنجاب اسمبلی کے حلقہ پی پی 38 میں ہونے والے ضمنی انتخاب میں تحریک انصاف نے فتح اپنے نام کی، پی پی 38 ضمنی انتخاب کے غیر حتمی غیر سرکاری نتائج میں پاکستان تحریک انصاف کے نوجوان امیدوار احسن سلیم بریار فتح قرار پائے جبکہ مسلم لیگ ن کے امیدوار چوہدری سبحانی دوسرے نمبر پر رہے تھے۔

بعد ازاں مسلم لیگ ن نے سیالکوٹ کے حلقہ پی پی 38میں ضمنی انتخابات کو کالعدم قرار دینے کی درخواست دائر کی تھی۔

Comments

یہ بھی پڑھیں