The news is by your side.

توشہ خانہ ریفرنس : عمران خان کیلئے اچھی خبر آگئی

اسلام آباد : الیکشن کمیشن نے چیئرمین پی ٹی آئی عمران خان کیخلاف حکومتی اتحادی جماعتوں کا دائر توشہ خانہ ریفرنس خارج کردیا۔

تفصیلات کے مطابق الیکشن کمیشن میں چیئرمین پی ٹی آئی عمران خان سے متعلق توشہ خانہ ریفرنس پر سماعت ہوئی۔

چیف الیکشن کمشنر کی سربراہی میں 4 رکنی بنچ نےسماعت کی، چیئرمین پی ٹی آئی عمران خان کے وکیل بیرسٹر گوہر خان پیش ہوئے۔

بیرسٹر گوہر خان نے کہا کہ الیکشن کمیشن میں اسپیکر قومی اسمبلی کا ریفرنس زیرسماعت ہے، اسپیکر اور حکومتی اراکین قومی اسمبلی کا ریفرنس ایک ہی ہے۔

بیرسٹر گوہر خان کا کہنا تھا کہ الیکشن کمیشن حکومتی اراکین قومی اسمبلی کا ریفرنس خارج کردے۔

الیکشن کمیشن نے عمران خان کیخلاف حکومتی اراکین قومی اسمبلی کا توشہ خانہ یفرنس خارج کردیا۔

عمران خان کیخلاف اسپیکر کے توشہ خانہ ریفرنس پر سماعت 29 اگست کو ہوگی ، الیکشن کمیشن نے اسپیکر کے ریفرنس پر عمران خان سے جواب طلب کررکھا ہے۔

گذشتہ روز الیکشن کمیشن نے توشہ خانہ ریفرنس میں چیئرمین پی ٹی آئی عمران خان 3 ہفتے کا وقت دینے کی استدعا مسترد کردی تھی۔

دوران سماعت یرسٹرگوہر کا کہنا تھا کہ الیکشن کمیشن ریفرنس پر 90 دن میں فیصلےکاپابندہے، گوشواروں پرمبنی دستاویزات حاصل کرنے کیلئے وقت درکارہے۔

عمران خان کے وکیل نے کہا تھا کہ جائزہ لےرہےہیں کبھی کسی نےآئی فون اورگھڑیاں ظاہرکی ہیں یانہیں، دونوں ریفرنسز میں ایک ساتھ ہی جواب جمع کرایا جائے گا۔

جس پر چیف الیکشن کمشنر کا کہنا تھا کہ الیکشن کمیشن میں ظاہرکردہ اثاثوں کی دستاویزات توعمران خان کےپاس ہوں گی۔

بیرسٹرگوہر نے بتایا تھا کہ محسن شاہنوا رانجھا کے گوشوارے بھی جمع کرائیں گے کہ انہوں نے گھڑی ظاہرکی یا نہیں۔

جس پر وکیل پی ڈی ایم نے کہا تھا کہ کسی کا کوئی اثاثہ ظاہر نہ کرنا عمران خان کو اثاثے چھپانے کا لائسنس نہیں دیتا۔

Comments

یہ بھی پڑھیں