اسلام آباد: سیکرٹری الیکشن کمیشن بابر یعقوب نے کہا ہے کہ پوری قوم کو الیکشن کے انعقاد پر مبارک باد پیش کرتا ہوں، کوئٹہ میں ہونے والے سانحے کا دکھ اورافسوس ہے۔
بابر یعقوب نے پریس کانفرنس کرتے ہوئے کہا کہ کچھ سیاسی جماعتوں نے پولنگ کا ٹائم بڑھانے کا مطالبہ کیا تھا لیکن پولنگ کا وقت 6 بجے تک ہی رکھا گیا۔
سیکریٹری الیکشن کمیشن نے کہا کہ پولنگ اسٹیشن میں موجود ووٹرز کو ووٹ ڈالنے دیا جا رہا ہے کیوں کہ اس سے متعلق چیف الیکشن کمیشن نے ہدایات دی ہیں۔
عام انتخابات 2018: ووٹوںکی گنتی جاری
واضح رہے کہ تاریخی انتخابات میں پولنگ کا وقت ختم ہوچکا ہے، ملک بھر میں کاسٹ کیے گئے ووٹوں کی گنتی شروع ہو چکی ہے، تاہم پولنگ اسٹیشنز کے اندر موجود لوگوں کو ووٹ کاسٹ کرنے کی اجازت ہے، الیکشن کمیشن کی جانب سے پولنگ کا وقت صبح 8 سے شام 6 بجےتک مقررتھا۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔
