کراچی: الیکشن کمیشن سندھ کے حکام کا کہنا ہے کہ کراچی میں پولنگ کے دوران اب تک کسی قسم کی شکایت موصول نہیں ہوئی، پولیس اور رینجرز ہمارے شانہ بشانہ کھڑے ہیں۔
تفصیلات کے مطابق الیکشن کمیشن سندھ کے جوائنٹ آپریٹنگ آفیسر جاوید اقبال کا کہنا ہے کہ کراچی میں اب تک کوئی بڑی شکایت درج نہیں ہوئی، ایک دو جگہ پولنگ دیر سے شروع ہونے کی اطلاع ملی۔
جاوید اقبال کا کہنا تھا کہ ہم نے حساس پولنگ اسٹیشن پر سی سی ٹی وی کیمرے نصب کیے ہیں، صبح 8 بجے پولنگ کا عمل شروع ہوا، اب تک کسی قسم کی شکایت موصول نہیں
ہوئی۔
انہوں نے کہا کہ رینجرز اور پولیس کے مشکور ہیں جنہوں نے ہمارا ساتھ دیا، کسی جگہ سے بدامنی کی شکایت نہیں ملی، پولیس اور رینجرز ہمارے شانہ بشانہ کھڑے ہیں۔
