اسلام آباد: الیکشن کمیشن پاکستان نے وزیر اعظم شہباز شریف کو کہوٹہ میں ڈیم کا افتتاح کرنے سے روک دیا ہے۔
الیکشن کمیشن نے وزیر اعظم شہباز شریف کو ضابطہ اخلاق کی خلاف ورزی سے روکا۔ وزیر اعظم کل 29 جون کو کہوٹہ میں ڈیم کا افتتاح کرنے والے تھے۔
ڈیم کا یہ علاقہ حلقہ پی پی 7 راولپنڈی کی حدود میں شامل ہے۔ الیکشن کمشنر کی ہدایت پر ڈی ار او پی پی 7 نے وزیر اعظم کے پرنسپل سیکرٹری سے رابطہ کیا۔
ضابطہ اخلاق پر عمل درآمد کے لیے وزیر اعظم نے ڈیم کا افتتاح منسوخ کر دیا۔ پرنسپل سیکرٹری نے وزیر اعظم کا دورہ منسوخ ہونے سے متعلق آگاہ کر دیا۔
ضمنی انتخاب والے حلقے میں عوامی عہدیداران کا دورہ ضابطہ اخلاق خلاف ورزی ہے۔
