اسلام آباد: الیکشن کمیشن آف پاکستان نے اسلام آباد کے تینوں حلقوں میں ٹربیونل جج تبدیل کرنے کی منظوری دے دی۔
تفصیلات کے مطابق الیکشن کمیشن نے ٹربیونل ججز کی تبدیلی سے متعلق لیگی اراکین قومی اسمبلی طارق فضل چوہدری، انجم عقیل خان اور راجا خرم نواز کی درخواست منظور کر لی ہے۔
الیکشن کمیشن نے اسلام آباد ٹربیونل کی تبدیلی کا 7 جون کا محفوظ فیصلہ سنا دیا، کمیشن نے جمعہ کے روز فریقین کے دلائل مکمل ہونے پر فیصلہ محفوظ کیا تھا۔
- Advertisement -
اسلام آباد کے تین لیگی ایم این ایز نے ٹریبونل پر تحفظات کا اظہار کیا تھا، جس پر ملنے والی درخواست پر چیف الیکشن کمشنر سکندر سلطان راجہ کی سربراہی میں تین رکنی کمیشن نے سماعت کی تھی۔
