site
stats
عالمی خبریں

ایکواڈورمیں شدید زلزلہ، 233 افراد ہلاک،600 سے زائد زخمی

کیوٹو : لاطینی امریکہ کے ملک ایکواڈور میں شدید زلزلے نے بڑے پیمانے پر تباہی پھیلادی ہے، ایکواڈور کے صدر نے دو سو تینتیس افراد کے ہلاک ہونے کی تصدیق کردی ہے۔ اور ہلاکتوں میں اضافے کا خدشہ ہے۔

زلزلے کی شدت سات اعشاریہ آٹھ ریکارڈ کی گئی ہے، رپورٹ کے مطابق زلزلے کا مرکز زمین میں صرف 19.2کلو میٹر کی گہرائی میں تھا۔

 

زلزلے کا مرکز موزین شہر کے آس پاس کا علاقہ تھا جس سے دارالحکومت کیوٹو میں بھی عمارتیں لرز اٹھیں۔ مواصلات کا نظام مکمل طور پر منقطع ہو گیا.

ایکواڈور کے چھ صوبوں میں ایمرجنسی نافذ کر کے نیشنل گارڈز کو متحرک کردیاگیا ہے۔ امدادی کارکن، پولیس اور فوج کے اہلکار ملبے تلے دبے افراد کو نکالنے کی کوششیں کر رہے ہیں۔

سیکڑوں زخمیوں کو مختلف ہسپتالوں میں منتقل کیا گیا، جن میں بیشتر کی حالت انتہائی تشویشناک بتائی جارہی ہے۔ زلزلے سے شہر گوایاکل میں ایک فلائی اوور تباہ ہوگيا ہے اور کئی عمارتوں کو نقصان پہنچا ہے۔

امریکن جیولوجیکل سینٹر کا کہنا ہے کہ ایکوا ڈور میں 1979 کے بعد یہ شدید ترین زلزلہ ہے۔ زلزلے کے فوراً بعد سونامی کی وارننگ جاری کی گئی تھی، تاہم اب سونامی کا خطرہ ٹل گیا ہے۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top