site
stats
پاکستان

ایدھی کے انتقال پر سیاستدانوں کا اظہار افسوس

کراچی: عبدالستار ایدھی رخصت ہوئے، انسانیت اور خدمت گزاری کا ایک باب بند ہوا۔ ایدھی کے انتقال نے دنیا بھر میں موجود انسانیت سے محبت کرنے والوں کو دکھی کردیا۔

ملک بھر میں غم کی ایک لہر دوڑ گئی۔ مختلف شخصیات نے ایدھی کی موت پر ان کے اقوال کو یاد کیا اور انہیں خراج عقیدت پیش کیا۔

 وزیر اعظم کی صاحبزادی مریم نواز شریف نے انہیں شاندار الفاظ میں خراج عقیدت پیش کرتے ہوئے ان کے بلندی درجات کی دعا کی اور ان کے خاندان سے تعزیت کی۔

پاکستان تحریک انصاف کے چیئرمین عمران خان نے ایدھی کی موت پر گہرے دکھ کا اظہار کرتے ہوئے ان لمحات کو یاد کیا جب ایدھی نے شوکت خانم اسپتال کو چندہ دیا تھا۔

      گورنر سندھ ڈاکٹر عشرت العباد کی جانب سے بھی تعزیتی پیغام جاری کیا گیا۔

وزیر اعلیٰ پنجاب شہباز شریف نے ایدھی کو اپنا ہیرو قرار دیا۔

متحدہ قومی موومنٹ کے رہنما فیصل سبزواری نے اپنے مخصوص انداز میں شعر کے ذریعہ ایدھی کی موت پر افسوس کا اظہار کیا۔

سابق صدر آصف علی زرداری کی بیٹیوں بختاور اور آصفہ نے بھی افسوسناک خبر پر دکھ کا اظہار کرتے ہوئے ان کے ساتھ ملاقات کے لمحہ کو شیئر کیا۔

تحریک انصاف کے رہنما جہانگیر ترین نے ان کے انتقال پر اپنے دکھ کا اظہار کرتے ہوئے انہیں ایک معجزہ قرار دیا۔

عارف علوی نے بھی ایدھی کی خدمات پر انہیں خراج عقیدت پیش کرتے ہوئے ان کے خاندان سے تعزیت کی۔

ناز بلوچ نے ایدھی کی موت پر گہرے دکھ کا اظہار کرتے ہوئے ان کے ساتھ ملاقات کا لمحہ سوشل میڈیا پر شیئر کیا۔

پیپلز پارٹی کے لیڈر سینیٹر سعید غنی نے ایدھی کی موت کو انسانیت کا نقصان قرار دیا۔

پاک سرزمین پارٹی کے چیئرمین مصطفیٰ کمال نے بھی اس موقع پر اپنے دکھ کا اظہار کیا۔

وفاقی وزیر ریلوے خواجہ سعد رفیق نے ایدھی کو اعظیم انسان قرار دیا۔

سابق صدر پرویز مشرف نے بھی اپنے گہرے دکھ اور افسوس کا اظہار کیا۔

پرویز مشریف نے عبدالستار ایدھی کو نوبیل انعام دینےکا مطالبہ بھی کردیا

پیپلز پارٹی کی رہنما شرمیلا فاروقی نے بھی اپنے تاثرات کا اظہار کیا۔

امریکا میں پاکستان کے سابق سفیر حسین حقانی نے ایدھی کو خراج عقیدت پیش کرتے ہوئے ان سے اپنی واقفیت کو اپنے لیے باعث فخر قرار دیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top