کراچی: سندھ فوڈ اتھارٹی کی جانب سے تعلیمی اداروں میں مضرصحت اشیا کی فروخت پر پابندی کے حوالے سے مراسلہ تحریر کیا گیا ہے۔
سندھ فوڈ اتھارٹی نے تعلیمی اداروں میں بچوں کو صحتمدانہ ماحول کی فراہمی کے پیش نظر سیکریٹری اسکول ایجوکیشن، کالج ایجوکیشن، محکمہ بلدیات کو مراسلے ارسال کیے ہیں سافٹ ڈرنکس سمیت دیگر چیزوں پر پابندی کا کہا گیا ہے۔
فوڈ اتھارٹی نے کہا کہ تعلیمی اداروں میں پاپڑ، رنگین چپس دیگر مضرصحت اشیا پر پابندی لگائی جائے، اسکولوں، کالجوں میں سافٹ ڈرنکس و انرجی ڈرنکس پر پابندی کی بھی درخواست
سندھ فوڈ اتھارٹی کی جانب سے 2018 کے نوٹیفکیشن پرعمل درآمد کی اہمیت پر زور دیا گیا ہے، اتھارٹی نے طلبا کی صحت سے متعلق خدشات پر تعلیمی اداروں کو آگاہ کیا۔
فوڈ اتھارٹی کا کہنا تھا کہ تمام تعلیمی اداروں میں جو کینٹینز اور فوڈ کورٹس قائم ہیں ان کی مؤثر نگرانی کی جائے۔
