اسلام آباد : انٹیلی جنس ایجنسی اور قانون نافذ کرنے والے اداروں نے بلوچستان میں کالعدم ٹی ٹی پی کے مراکز قائم کرنے کی کوشش ناکام بناتے ہوئے کئی دہشت گردوں کو پکڑلیا۔
تفصیلات کے مطابق انٹیلی جنس ایجنسی اور قانون نافذ کرنے والے اداروں نے آپریشن کرتے ہوئے بلوچستان میں کالعدم ٹی ٹی پی کے مراکز قائم کرنے کی کوشش ناکام بنادی۔
قانون نافذ کرنے والے اداروں کے کامیاب آپریشن کے دوران کئی دہشتگرد پکڑے گئے، پکڑے گئے دہشت گردوں میں کالعدم تحریک طالبان پاکستان خوارج کی شوریٰ کا مطلوب کمانڈر شامل ہیں۔
ابتدائی تفتیش کے مطابق نیٹ ورک کے تانےبانے اندرونی و بیرونی دہشتگروں سے ملتے ہیں اور پکڑا گیا کالعدم تحریک طالبان پاکستان کا کمانڈر مختلف علاقوں میں دہشت گرد کارروائیوں میں ملوث ہے۔
گرفتار دہشت گردوں سے تفتیش جاری ہے ، جس میں مزید انکشافات متوقع ہیں۔