مصری فضائیہ کا جنگی طیارہ بحیرہ روم میں گر کر تباہ ہوگیا، حادثے میں طیارے کا پائلٹ جاں بحق ہوگیا۔
عرب میڈیا کی رپورٹس کے مطابق فوجی ترجمان کے مطابق مصری فضائیہ کا تربیتی جنگی طیارہ معمول کی پرواز کے دوران فنی خرابی کاشکار ہوا۔
فوجی ترجمان کا کہنا ہے کہ مصری فضائیہ کا طیارہ صوبہ دمیاط کے علاقہ راس البر میں ساحلی پٹی میں گر کر تباہ ہوگیا۔
اس سے قبل یوکرین کی فضائیہ نے امریکی ساختہ جنگی طیارہ ایف 16 اچانک لاپتا ہونے کے کچھ دیر بعد گر کر تباہ ہونے کی تصدیق کر دی تھی۔
روئٹرز کی رپورٹ کے مطابق گزشتہ ہفتے ایف 16 کا یوکرین کی فضائیہ سے رابطہ اچانک منقطع ہوگیا تھا جس کے بعد طیارے کے گر کر تباہ ہونے کی خبر سامنے آئی۔
فضائیہ کے مطابق ابتدائی اعداد و شمار کے مطابق طیارے میں ایک غیر معمولی صورتحال پیدا ہوئی، پائلٹ ایف 16 کو بستی سے دور لے گیا اور گرنے سے قبل خود کو فضا میں ہی بحفاظت باہر نکال لیا۔ترجمان نے بتایا کہ پائلٹ کی حالت خطرے سے باہر ہے۔
ایف 16 کو پیش آیا حادثہ کسی روسی حملے کا نتیجہ معلوم نہیں ہوتا تاہم حادثے کا سبب معلوم کرنے کیلیے ایک تحقیقاتی کمیشن بنایا گیا ہے۔
’پاکستان کا بھارتی طیارہ گرانا، چینی ٹیکنالوجی کی ترقی کا ثبوت بن گیا‘
یاد رہے کہ سابق امریکی صدر جوبائیڈن کی انتظامیہ کی طرف سے منظور شدہ پروگرام کے تحت یوکرین کو گزشتہ سال امریکی اتحادیوں سے لڑاکا طیارے ملنے کے بعد یہ دوسرا حادثہ ہے۔
