مصر نے اسرائیل کے اس دعوے پر جوابی وار کیا ہے وہ رفح بارڈر کی بندش کا ذمہ دار ہے۔
مصر کے وزیر خارجہ سامح شکری نے غزہ میں انسانی بحران کے لیے قاہرہ کو مورد الزام ٹھہرانے کی اسرائیل کی کوشش کی مذمت کی ہے۔
انہوں نے کہا کہ اسرائیل کی جانب سے غزہ سے مصر جانے والی رفح سرحد پر قبضہ اور اس کے ساتھ ساتھ اس علاقے میں اس کی فوجی کارروائیاں امداد کے غزہ میں داخل نہ ہونے کی بنیادی وجوہات ہیں۔
اسرائیل کے وزیر خارجہ کا کہنا تھا کہ مصر کو غزہ کے ساتھ رفح بارڈر کراسنگ کو دوبارہ کھولنے کے لیے "قائل” کرنا چاہیے تاکہ "بین الاقوامی انسانی امداد کی مسلسل ترسیل کی اجازت دی جا سکے۔”
اسرائیل کاٹز نے ایک بیان میں کہا کہ غزہ کی پٹی میں انسانی بحران کو روکنے کی کلید اب ہمارے مصری دوستوں کے ہاتھ میں ہے غیر ملکی ناقدین جو اسرائیل کو پٹی میں انسانی صورتحال کا ذمہ دار ٹھہراتے ہیں وہ گمراہ ہیں۔
