مصر نے دنیا بھر سے سیاحوں کو راغب کرنے کے لیے 5 سالہ سیاحتی ویزہ دینے کا اعلان کیا ہے۔
بین الاقوامی میڈیا رپورٹس کے مطابق سیاحت کو فروغ دینے کی پالیسی کو اپناتے ہوئے مصری حکومت نے چند سو ڈالرز میں 5 سالہ ویزہ متعارف کروایا ہے جو ملٹی پل ہو گا۔
حکومت نے سیاحوں کی سالانہ تعداد کو 2028 تک 30 ملین پہنچانے ہدف کو حاصل کرنے کے لیے 5 سالہ ویزے کی فیس صرف 700 ڈالرز رکھی ہے۔
- Advertisement -
مصری حکام کا کہنا ہے کہ متحدہ عرب امارات اور سعودی عرب کی سیاحتی ویزے کی فیس مصر کے مقابلے میں زیادہ ہے جب کہ مصر کا 5 سالہ ویزہ فیس کے اعتبار کئی دیگر ممالک سے کم ہے جن میں امریکا بھی شامل ہے۔
حکام نے فی الحال 5 سال کی میعاد والے سیاحتی ویزہ کی فیس کا اعلان کیا ہے تاہم اس پیشکش کے آغاز کی تاریخ نہیں بتائی گئی۔
