اسلام آباد : حکومت نے جانب سے احساس ایمرجنسی کیش پروگرام کے تحت 9ہفتےمیں ایک کروڑ خاندانوں میں 120 ارب روپے تقسیم کردیئے گئے۔
تفصیلات کے مطابق وزیراعظم عمران خان نے سماجی رابطے کی ویب سائٹ ٹوئٹر پر اپنے پیغام میں کہا ہماری حکومت نے کامیابی کے ساتھ کورونا سےنمٹنے کیلئے9ہفتےمیں ایک کروڑ خاندانوں میں شفاف طریقے سے 120 ارب روپے تقسیم کیے۔
اس سے قبل معاون خصوصی ڈاکٹر ثانیہ نشتر ن ے سماجی رابطے کی ویب سائٹ پر اپنے بیان میں کہا احساس ایمرجنسی کیش پروگرام سے9ہفتےمیں 1کروڑافرادمیں رقم تقسیم کی گئی، ایک کروڑسےزیادہ بینفشریزمیں121بلین روپےکی مالی امداددی گئی، پروگرام سے144بلین روپے 12ملین خاندانوں میں تقسیم کرنےہیں۔
Alhamdulillah! #EhsaasEmergencyCash crosses the 10 million mark in 9 weeks. More than 10 million beneficiaries have been served countrywide with Rs.121 billion cash assistance. Overall, Rs. 144 billion will be paid out to more than 12 million families.#EhsaasByPMIK pic.twitter.com/NUoR4oA5zR
— Sania Nishtar (@SaniaNishtar) June 11, 2020
خیال رہے وزیراعظم نے لاک ڈاؤن کے دوران مستحق افراد کو بارہ ہزار روپے فی خاندان دینے کااعلان کرتے ہوئے کہا تھا کہ مستحقین میں ایک سو چوالیس ارب روپے کی رقم تقسیم کی جائے گی۔
عمران خان کی حکومت کے احساس ایمرجنسی کیش پروگرام کو عالمی میڈیا میں بھی پذیرائی ملی تھی اور امریکی نشریاتی ادارے نے اس حوالے سے رپورٹ بھی شائع کی تھی۔
