The news is by your side.

Advertisement

فوجی شہداء کے فنڈ میں خورد برد کا ملزم ریمانڈ پرحوالہ پولیس

لاہور : احتساب عدالت نے فوجی جوانوں اور شہداء کے فنڈز خورد برد کرنے کے ملزم کو ایک دن کے جسمانی ریمانڈ پر نیب حکام کے حوالے کر دیا۔

تفصیلات کے مطابق فوجی جوانوں اور شہداء کے فنڈز خرد برد کرنے کے ملزم حماد کو احتساب عدالت میں پیش کیا گیا۔

ملزم کے خلاف 16 ارب روپے کی خوردبردکا الزام ہے۔ نیب حکام کی جانب سے مؤقف اختیار کیا گیا کہ ملزم حماد نے ڈی ایچ اے حکام کے ساتھ معاہدے کے تحت پچیس ہزار کینال اراضی کا حصول اور ترقیاتی کام کرنا تھا،.

ملزم نے معاہدے کی خلاف ورزی اور دھوکہ دہی سے کام لیتے ہوئے پچیس ہزار کنال کی بجائے تیرہ ہزار کنال اراضی حاصل کی۔

نیب حکام کے مطابق ملزم نے ر قم ذاتی اکاؤنٹ میں منتقل کر کے فوجی جوانوں اور شہدا کو ان کے قانونی حق سے محروم کیا۔

نیب کی جانب سے ملزم کے جسمانی ریمانڈ کی استدعا کی گئی، جس پر عدالت نے ملزم حماد کو ایک دن کے جسمانی ریمانڈ پر نیب حکام کے حوالے کردیا۔

Comments

comments

یہ بھی پڑھیں