متحدہ عرب امارات (یو اے ای) میں عیدالفطر کے موقع پر 6 دن کی چھٹیوں کا امکان ظاہر کیا جارہا ہے۔
غیر ملکی ذرائع ابلاغ کے مطابق یو اے ای میں رمضان المبارک کا آغاز 12 مارچ (منگل) سے ہونے کا امکان ہے اور توقع کی جارہی ہے کہ رمضان المبارک کا مہینہ پورے 30 دن کا ہوگا۔
عرب میڈیا کا اس حوالے سے کہنا ہے کہ اس ممکنہ صورت میں متحدہ عرب امارات (یو اے ای) میں عید الفطر کے موقع پر ملازمین کو 6 چھٹیاں مل جائیں گی۔
رپورٹس میں کہا گیا ہے کہ متحدہ عرب امارات کی حکومت کی جانب سے سرکاری اور نجی شعبوں کے لیے عید الفطر کی تعطیلات کا اعلان 29 رمضان سے 3 شوال تک کیا گیا ہے، اگر ماہِ رمضان 30 دنوں پر مشتمل ہوگا تو 30 رمضان 10 اپریل کو ہوگا
رپورٹس میں کہا گیا ہے کہ اگر ممکنہ صورتحال کی ہی بات کی جائے تو سرکاری چھٹیوں کا اختتام 13 اپریل (ہفتے) کو ہوگا اور اگلے دن اتوار ہے، یوں اس طرح ملازمین کو 6 چھٹیوں کی سہولت مل جائے گی۔
رپورٹس میں کہا گیا ہے کہ یو اے ای میں رمضان المبارک کا چاند دیکھنے کے لیے اجلاس 10 مارچ کو منعقد ہوسکتا ہے اور اگر اس دن چاند نظر آگیا تو پہلا روزہ 11 مارچ کو ہوگا تاہم چاند نظر نہ آنے کی صورت میں یقینی طور پر رمضان المبارک کا آغاز 12 مارچ کو ہوگا۔
یو اے ای: غیر ملکی اب اقاموں کی تجدید کیسے کرا سکیں گے؟
متحدہ عرب امارات میں رمضان المبارک کے روزے کا دورانیہ ماہ کے آغاز میں تقریباً 13 گھنٹے 45 منٹ ہوگا جو اختتام تک تقریباً 14 گھنٹے 25 منٹ تک طویل ہوسکتا ہے۔
