ویڈیو رپورٹ: محمد عرفان مغل
روایتی ہیئر کٹنگ شاپس اب جدید بیوٹی سیلونز کا روپ دھار چکی ہیں۔ جہاں صرف بالوں کی کٹنگ ہی نہیں، بلکہ نوجوانوں کو عید کے دن جاذبِ نظر بنانے کے لیے فیشل، بلیچ اور ہیئر اسٹائلنگ جیسی جدید سہولیات بھی دستیاب ہیں۔
عید قریب آتے ہی ڈیرہ اسماعیل خان کے بیوٹی سیلونز اور ہیئر اسٹائلنگ شاپس میں نوجوانوں کی بڑی تعداد بننے سنورنے میں مصروف دکھائی دے رہی ہے۔ عید کی تیاری صرف نئے کپڑوں اور جوتوں تک محدود نہیں رہی، اب تو بناؤ سنگھار بھی مکمل تیاری کا حصہ ہے۔ پہلے یہ شوق خواتین تک محدود تھا، لیکن اب نوجوان لڑکے بھی سیلونز کا رخ کرتے ہیں تاکہ عید پر منفرد نظر آئیں۔
سیلونز کے کاریگر بھی نوجوانوں کی تیاری میں خوب محنت کرتے ہیں۔ نیا اسٹائل ہو یا کوئی ٹرینڈ، سب کچھ دستیاب ہے۔
