عید پر ہونے والی بہو اور داماد کو عید کے تحائف دینا ہماری روایت میں شامل ہے مگر اب اس روایت میں جدت کا تڑکا لگ رہا ہے۔
عید کی آمد ہے۔ اس خوشی کے موقع پر لوگ ایک دوسرے کو تحائف دے کر خوشیاں بانٹتے ہیں۔ عید کے موقع پر ہونے والی بہو اور داماد کو تحائف دینا بھی ہماری روایت کا حصہ ہے۔ تاہم بدلتے وقت کے ساتھ جہاں کئی تبدیلیاں آئیں وہیں یہ تحائف دینے میں جدت کا تڑکا لگا کر اس کو مزید خوبصورت بنا دیا گیا ہے۔
حیدرآباد میں ہونے والے بہوؤں اور دامادوں کو اس عید پر سجی ٹوکریوں میں عید تحائف دینے کا رجحان تیزی سے فروغ پا رہا ہے۔
حیدرآباد میں جہاں عید کی خریداری کا جوش و خروش اپنے عروج پر ہے وہیں ایک اور روایت نے بھی زور پکڑ لیا ہونے والے داماد اور بہوؤں کو عید تحائف دینے کے لیے بازار سے سجی دلکش ٹوکریاں خریدی جا رہی ہیں۔
