The news is by your side.

Advertisement

ایران میں عید پر لاک ڈاؤن نافذ کر دیا گیا

عیدالاضحیٰ کے موقع پر کورونا کے پھیلاؤ کو روکنے کے لیے ایران کے دارالحکومت میں لاک ڈاؤن ‏کے نفاذ کا اعلان کر دیا گیا۔

بین الاقوامی میڈیا رپورٹس کے مطابق حکومت نے منگل سے 6 روز لاک ڈاؤن کا اعلان کیا ہے جو ‏کہ دارالحکومت تہران اور اس سے متصل علاقوں میں نافذ رہے گا۔

حکام کا کہنا ہے کہ وبا کی مہلک ترین قسم ڈیلٹا ویرینٹ ملک بھر میں تیزی سے پھیل رہی ہے جو ‏کہ اب وبا کی پانچویں خطرناک لہر میں تبدیل ہو رہی ہے۔

حالیہ دنوں میں تہران طبی پابندیوں اور پروٹوکولز کی وجہ سے ریڈ زون میں رہا ہے جس کے سبب ‏اموات کی شرح 70 فیصد سے گھٹ کر 50 فیصد تک آ گئی ہے۔

ایران میں عیدالاضحیٰ بدھ کو منائی جائے گی اور عید کے موقع پر لوگوں کے بے تحاشہ آمد و ‏رفت کے ساتھ ساتھ ہفتہ وار چھٹیوں میں لوگوں کے بڑے پیمانے پر میل جول سے وبا کے پھیلنے ‏کا خدشہ ہے۔

ان خطراک کو مدنظر رکھتے ہوئے عوام کے تحفظ اور سلامتی کی خاطر دارالحکومت میں 6 روز ‏لاک ڈاؤن کے نفاذ کا اعلان کیا ہے۔

Comments

یہ بھی پڑھیں