The news is by your side.

Advertisement

عید الفطر: چاند نظر آتے ہی معتکفین گھروں کو روانہ

کراچی / لاہور / اسلام آباد: شوال کا چاند نظرآتے ہی مساجد میں موجود معتکفین نے اپنا اعتکاف ختم کردیا جہاں انہیں اہل خانہ اور دیگر عزیز و اقارب مساجد لینے کے لیے پہنچے۔

تفصیلات کے مطابق دس روزتک اللہ کےمہمان رہنےاوراپنے رب کو راضی کرنے والے اہل ایمان نے بھی شوال کا چاند نظر آتے ہی اعتکاف ختم کردیا۔

رمضان المبارک کے پورے مہینے اور خصوصاً آخری عشرے میں رب کی خوشنودی اور شب قدر کے حصول کے لیے اعتکاف میں بیٹھے مرد اور خواتین نے شوال شروع ہوتے ہی اپنا اعتکاف ختم کردیا اور اب وہ اللہ کے انعام “عید” کی خوشیاں سمیٹنے گھروں کوروانہ ہوئے۔

مزید پڑھیں: اعتکاف اور اس کے فضائل

اسلامی تعلیمات کے مطابق عید الفطر کو ’یوم الجوائز‘ یعنی انعامات کی تقسیم کا دن قرار دیا گیا ہے، اس روز اللہ رب العزت کی جانب سے فرشتے روزے داروں کو انعامات تقسیم کرتے ہیں۔

واضح رہے کہ دنیا بھر میں لاکھوں فرزندانِ اسلام نے 21 شب کا آغاز ہوتے ہی مساجد اور خواتین نے گھروں میں اعتکاف کیے تھے جس کا مقصد لاکھوں راتوں سے افضل رات شب قدر کو تلاش کرنا تھا۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Comments

comments

یہ بھی پڑھیں