سعودی عرب میں مسجد الحرام مکہ مکرمہ اور مسجد نبوی صلی اللہ علیہ وآلہ وسلم کی جنرل پریذیڈنسی نے اہم اعلان کرتے ہوئے کہا ہے کہ ’مسجد الحرام میں عیدالفطر کی نماز کی امامت شیخ صالح بن حمید جبکہ مسجد نبوی میں شیخ احمد بن علی الحذیفی کریں گے‘۔
عرب میڈیا کے مطابق عیدالفطر کی نماز بدھ 10 اپریل کی صبح 6 بجکر 19 منٹ پر مسجد الحرام میں ادا کی جائے گی۔ جبکہ مسجد نبوی صلی اللہ علیہ وآلہ وسلم میں صبح 6 بجکر 20 منٹ پر نماز عید الفطر ادا کی جائے گی۔
واضح رہے کہ سعودی عرب میں پیر کی شام عیدالفطر کا چاند نظر نہیں آیا،مملکت میں عید الفطر بدھ 10 اپریل کو ہو گی۔
سپریم کورٹ کے فیصلے کا اعلان کرتے ہوئے ایوان شاہی نے کہا تھا کہ’منگل 9 اپریل رمضان المبارک کی 30 تاریخ ہے اور بدھ 10 اپریل کو عیدالفطر منائی جائے گی‘۔
سعودی عرب میں شوال کے چاند سے متعلق اپ ڈیٹ
یاد رہے کہ سعودی عرب اور بیشتر عرب ممالک میں 11 مارچ کو رمضان کا آغاز ہوا، اگر پیر کو چاند نظر نہیں آیا تو منگل 30 رمضان اور عید الفطر بدھ کو ہوگی۔
