اسلام آباد: ماہرین فلکیات نے پاکستان میں عیدالاضحیٰ کی تاریخ سے متعلق پیشگوئی کر دی۔
ماہرین فلکیات کے مطابق پاکستان میں عیدالاضحیٰ 7 جون کو ہونے کا امکان ہے جب کہ سعودی عرب میں حج 5 جون اور عید 6 جون کو ہونے کا امکان ہے۔
سعودی عرب میں 27 مئی کو چاند نظر آنے کے امکانات ہیں اور ملک بھر میں 28مئی کو ذوالحجہ کا چاند نظر آنے کے واضح امکانات ہیں۔
ماہرین فلکیات کا کہنا ہے کہ 27 مئی کو غروب آفتاب کے وقت چاند کی عمر 11 گھنٹے ہو گی اور 28 مئی کو غروب آفتاب کے وقت چاند کی عمر 35گھنٹے سے زائد ہو گی۔
کویت کی وزراء کونسل نے یومِ عرفہ اور عید الاضحیٰ کے موقع پر جمعرات 5 جون سے اتوار 8 جون، 2025 تک سرکاری طور پر عام تعطیل کا اعلان کیا ہے۔
عیدالاضحیٰ اور قربانی
چھٹی کے بعد پیر 9 جون کو آرام کا دن ہوگا، اور منگل، 10 جون کو دوبارہ کام شروع ہوگا۔
امارات فلکیات سوسائٹی کی طرف سے جاری کردہ فلکیاتی پیشین گوئیوں کے مطابق عید الاضحی، اسلامی کیلنڈر کے سب سے اہم تہواروں میں سے ایک، 6 جون 2025 بروز جمعہ کو آنے کی توقع ہے۔
ایمریٹس آسٹرونومی سوسائٹی کے مطابق یو اے ای میں ذی الحج کا چاند 27 مئی کو نظر آنے کا امکان ہے اور اگر یہ پیشگوئی درست ثابت ہوئی تو عیدالاضحیٰ جمعہ 6 جون کو ہونے کا امکان ہے۔
یو اے ا ی میں ہر سال عیدالاضحیٰ کے موقع پر یوم عرفہ سمیت چار چھٹیاں ہوتی ہے۔ تو اگر ماہرین فلکیات کی یہ پیشگوئی درست ثابت ہوتی ہے تو امارات میں جمعرات 5 جون سے (9 ذی الحج) سے اتوار 8 جون تک ہوں گی۔
