The news is by your side.

Advertisement

عید الاضحیٰ پر 10 لذیذ کھانوں کی تراکیب

عید الاضحیٰ کے موقع پر گوشت کے پکوان دسترخوان کی شان ہوتے ہیں، قربانی چاہے گائے کی ہو یا بکرے کی عید الاضحیٰ پر کھانوں میں پہلا پکوان کلیجی ہی ہوتی ہے اور سب اسے شوق سے بھی کھاتے ہیں، کلیجی کے بعد دوسرا نام بریانی کا آتا ہے کیونکہ دن میں روٹی کھانے کے بعد لوگ شام میں چاول جیسے یخنی کا پلاؤ یا مصالحے والی بریانی کھانا پسند کرتے ہیں۔

گھر میں قربانی ہو اور نئے نئے پکوان نہ بنیں یہ بھلا کیسے ممکن ہے؟ عید الاضحیٰ پر پکائے جانے والے چند نہایت آسان اور لزیز کھانوں کی تراکیب جانیئے۔


کلیجی


 

kaleji

 

اجزاء

مٹن کلیجی : ایک پاؤ

کچا پپیتا : تین کھانے کے چمچ

گرم مصالحہ : آدھا کھانے کا چمچ

نمک : حسب ضرورت

لال مرچ پسی ہوئی : ایک کھانے کا چمچ

لہسن ادرک پیسٹ: ایک کھانے کا چمچ

سرکہ : دو کھانے کے چمچ

تیل چھ کھانے کے چمچ

ہرا دھنیا : ہری مرچ گارنش کے لیے

ترکیب

کلیجی کو چھوٹی بوٹیوں میں کاٹ کر اچھی طرح دھو لیں، پھر اس میں سوائے تیل کے تمام مصالحے لگا کر دو گھنٹے میرینٹ کرلیں، فرائی پین میں تیل ڈال کر ہلکا گرم کریں پھر اس میں مصالحہ لگی تمام کلیجی ڈال کر ڈھک کر ہلکی آنچ پر پکائیں۔


بمبئی بریانی


 

biryani

اجزاء

بکرے کا گوشت : ایک کلو

باسمتی چاول : ایک کلو

بڑے آلو : چار عدد

لیموں  : چار عدد

لونگ  چار عدد

باریک کٹی پیاز : چار عدد

ہری مرچ : چھ عدد

چھوٹی الائچی : چھ عدد

ثابت کالی مرچ : چھ عدد

کٹے ٹماٹر : چھ عدد

سوکھے آلو بخارے : ایک پیالی

گرم دودھ : ایک پیالی

گھی یا تیل : ایک پیالی

دہی : ایک پیالی

باریک کٹا پودینہ : ایک گٹھی

کالا زیرہ : ایک چائے کا چمچ

پسی لال مرچ : ایک کھانے کا چمچ

زردے کا رنگ : ایک چوتھائی چمچ

پسا دھنیا : دو کھانے کے چمچ

ادرک، لہسن کا پیسٹ : ڈیڑھ کھانے کا چمچ

نمک : حسب ذائقہ

ترکیب

ایک کلو بکرے کے گوشت کو اچھی طرح دھولیں اب اس پر ایک پیالی دہی،ڈیڑھ چمچ کھانے کا چمچ۔ادرک لہسن کا پیسٹ  ایک کھانے کا چمچہ لال مرچ دو کھانے کے چمچ،پسا ہوا دھنیا ،دو عدد لیموں کا رس،ایک گٹھی باریک کٹا پودینہ ،چھ عدد ہری مرچ،ایک پیالی سوکھے آلو بخارے اور حسب ذائقہ نمک لگا کر آدھے گھنٹے کیلئے رکھ دیں۔

اب ایک دیگچی میں ایک پیالی تیل گرم کرکے چار عدد پیاز گولڈن براؤن کریں اور آدھی نکال کر اخبار پر پھیلا دیں، باقی آدھی پیاز میں مصالحہ لگا ہوا گوشت ڈال کر ہلکی آنچ پر پکنے دیں جب پانی خشک ہوجائے تو اسے بھون کر اتار لیں پانی بالکل نہ ڈالیں، چار عدد آلو کو ہلکی سی بھاپ دے کر چار چار ٹکڑے کرکے فرائی کریں اور تلے آلوئوں کے ساتھ مٹن پر ڈال دیں۔

پھر ایک کلو باسمتی چاولوں میں پودینہ ہری مرچ، چھ عدد چھوٹی الائچی، چھ عدد کالی مرچ،حسب ذائقہ نمک اور چار عدد لونگ ڈال کر الگ سے دو کنی ابالیں اور پھر پانی نتھار لیں۔اس کے بعد دیگچی میں ذرا دیگچی میں ذرا سی چکنائی لگا کر آدھی چاولوں کی تہہ لگائیں اب گوشت کی تہہ لگادیں پھر باقی چاولوں کی تہہ لگا تلی ہوئی پیاز ڈالیں ساتھ ہی ایک پیالی گرم دودھ میں ایک چوتھائی چائے کا چمچہ زردے کا رنگ ملا کر اس میں شامل کریں۔

اس کے بعد دو عدد لیموں کا رس ڈال کر تیزآنچ پر توے پر دم دیں دس منٹ کے بعد آنچ ہلکی کردیں بھاپ اوپر آجائے تو تیار بریانی اتار لیں۔


بہاری کباب


 

kabab

اجزاء

گوشت انڈر کٹ کا پسندوں : آدھا کلو
کی طرح کٹا ہوا

دہی : ایک کپ

نمک : حسبِ ذائقہ

لال مرچ : 2 کھانے کے چمچ

پسی ہوئی خشخاش : 2 کھانے کے چمچ

دھنیا کوٹا ہوا: 2 کھانے کے چمچ

گرم مصالحہ: 2کھانے کے چمچ

پپیتا: 2 کھانے کے چمچ

ادرک لہسن کا پیسٹ: 2 کھانے کے چمچ

زیرہ : 1کھانے کے چمچ

سرسوں کا تیل: 2 کھانے کے چمچ

ترکیب

دہی میں سارے مصالحے ڈال کر مکس کر لیں، پھر گوشت پر لگا کر 4 سے 5 گھنٹے رکھ لیں، پھر سیخوں پر بنالیں یا اون میں 350 ڈگری پر آدھا گھنٹہ کے لئے یا پھر 2 چمچ تیل میں فرائی پین پر بنالیں۔

چٹنی

چٹنی کے لئے 6 سے 8 بڑی لال مرچ سرکہ میں بھگو کر رکھ لیں، ایک کپ املی کا رس، 2 چمچ گڑ، نمک، بھنا زیرہ ایک چمچ، ثابت دھنیا 1 چمچ، لہسن کے جوئے 6 سے 8 عدد اور بڑی لال مرچ گرائنٹ کرلیں۔


مصالحے دار مٹن کڑاہی


 

mutton

اجزا

بکرے کا گوشت : 1 کلو

نمک: ڈیڑھ چائے کا چمچ

ادرک، لہسن کا پیسٹ : 1 کھانے کا چمچ

ٹماٹر : آدھا کلو

ہری مرچ : 8 عدد

لال مرچ : 2 چائے کے چمچ

گھی یا تیل : آدھا کپ

ہرا دھنیا : آدھا گڈی

ادرک : 2 انچ کا ٹکڑا

سفید زیرہ: 2 کھانے کے چمچ

ترکیب

پہلے بکرے کے گوشت کو 2 کپ پانی اور آدھا چائے کا چمچ نمک کے ساتھ ابال لیں۔

اب اس میں ادرک، لہسن کا پیسٹ شامل کر دیں اور ڈھک کر 10 منٹ تک پکائیں پھر اس میں ٹماٹر اور ہری مرچ ڈال کر دس منٹ کے لیے ڈھک دیں۔ اب اس میں پسی لال مرچ، نمک اور گھی یا تیل ڈال کر بھون لیں یہاں تک کہ گوشت گل جائے۔

پھر اس میں ہرا دھنیہ، ادرک اور سفید زیرہ ڈال دیں اور نان کے ساتھ سرو کریں۔


ملائی سیخ کباب


 

malao

اجزاء

قیمہ : ایک کلو

ادرک لہسن پسا ہوا : ایک کھانے کا چمچ

نمک : حسب ذائقہ

لال مرچ پسی ہوئی : ایک کھانے کا چمچ

گرم مصالحہ پسا ہوا : ڈیڑھ کھانے کا چمچ

کچا پپیتا پسا ہوا : دو کھانے کے چمچ

ہرا دھنیا (باریک کٹا ہوا) : آدھی گٹھی

پودینہ (باریک کٹا ہوا) : آدھی گٹھی

ہری مرچیں (باریک کٹی ہوئی): چھ سے آٹھ عدد

ڈبل روٹی کے سلائس : چار عدد

انڈے : دو عدد

فریش کریم : آدھی پیالی

کوکنگ آئل : تلنے کے لیے

ترکیب

ڈبل روٹی کو ایک پیالی دودھ میں دس سے بارہ منٹ تک بھگو لیں پھر دودھ سے نکال کر لکڑی کے چمچ سے دبا دبا کر اچھی طرح نچوڑ لیں، نچوڑی ہوئی سلائس کو ادرک لہسن٬ نمک٬ لال مرچ٬ گرم مصالحہ٬ پپیتا٬ ہرا دھنیا٬ پودینہ اور ہری مرچوں کے ساتھ قیمہ میں اچھی طرح ملالیں۔

قیمے میں فریش کریم ملا کر لمبے لمبے کباب بنا لیں، لکڑی کی سیخوں پر لگا کر کچھ دیر کے لیے فریج میں رکھ دیں، کڑاہی میں کوکنگ آئل کو درمیانی آنچ پر تین سے پانچ منٹ تک گرم کریں اور کبابوں کو پھینٹے ہوئے انڈوں میں ڈبو کر گولڈن فرائی کر لیں۔


بیف روسٹ


 

beef

اجزاء

گائے کا گوشت ثابت ٹکڑا (وزن دو کلو)، چربی صاف کروالیں

سفید سرکہ : آدھی پیالی

لیموں : چار عدد

نمک : حسبِ ذائقہ

ادرک (کٹی ہوئی) : دو کھانے کے چمچ

کالی مرچ (کُٹی ہوئی) : آدھا کھانے کا چمچ

دہی : دو پیالی

تیل : آدھی پیالی

ترکیب

سب سے پہلے گوشت دھو کر ہاتھ سے سارا مصالحہ اچھی طرح لگا کر کانٹے سے گوشت اچھی طرح گود لیں تاکہ مصالحہ اندر تک چلا جائے، مصالحہ لگا کر گوشت کو دو گھنٹے کے لیئے رکھ دیں۔

ایک بڑی دیگچی میں مصالحہ لگا گوشت ڈال کر اتنا پانی ڈالیں جس میں گوشت ڈُوب جائے، ہلکی آنچ میں ڈھکن ڈھانپ کر پکنے دیں، جب پانی خشک ہونے لگے تو تیل ڈال دیں۔

کم از کم تین سے چار گھنٹے تیار ہونے میں لگیں گے، ہلکی آنچ میں پکائیں گے تو اتنا ہی اچھا گلے گا اور مزیدار بھی ہوگا۔ بچے ہوئے پانی میں ساس کے اجزاءشامل کریں اور روسٹ کے اوپر ڈال دیں اور مائیکروویواون میں تقریباً پندرہ منٹ کےلئے رکھ دیں، جب گوشت کے اندر تک موجود پانی اچھی طرح خشک ہو جائے تو اسے اون سے نکال کر مناسب ٹکڑوں میں کاٹ لیں ، مزیدار روسٹ کو تلے ہوئے آلوﺅں کے ساتھ پیش کریں۔

گرم گرم نان کے ساتھ سرو کریں۔


شامی کباب


 

kabab-s

اجزاء

گائے کا گوشت : ایک کلو

چنے کی دال : ایک پیالی

لہسن کے جوے : 12عدد

ادرک ایک بڑا ٹکڑا

ثابت لال مرچ : 11 عدد

ثابت گرم مصالحہ : ایک ٹیبل اسپون

نمک : حسب ذائقہ

انڈا : ایک عدد

کباب میں بھرنے کیلئے مصالحہ

پودینہ : آدھی گڈی باریک کٹا ہوا

ہرا دھنیا : آدھی گڈی باریک کٹا ہوا

ادرک باریک کٹی ہوئی : 2 کھانے کا چمچہ

پیاز : 2 عدد کٹی ہوئی

تیل حسب ضرورت تلنے کے لیے

ترکیب

سب سے پہلے گوشت کو دھو کر سب چیزوں کے ساتھ ابال لیں۔ جب گوشت اچھی طرح گل جائے تو پیس لیں پھر انڈا شامل کرکے ہاتھ سے اچھی طرح مکس کرلیں۔

اب ہرا مصالحہ کباب کے درمیان میں بھریں۔ ٹکیہ بنا کر تل لیں۔


مٹن چانپیں


 

mutton-a

اجزاء

مٹن چانپیں : ½ کلو

دہی : 1 کپ

زیرہ : 1 چمچ

گرم مصالہ : 1 چمچ

ہلدی پاؤڈر: 1 چمچ

لال مرچ پاؤڈر : 2 چمچ

ادرک اور لہسن کا پیسٹ : 2 چمچ

نمک : حسب ذائقہ

ترکیب

ایک پین میں تھوڑا گھی ڈالیں اور اس میں لہسن اور ادرک کا پیسٹ شامل کرنے کے بعد تھوڑی دیر پکائیں۔اس کے بعد مٹن کو شامل کریں جبکہ ساتھ ساتھ دہی، زیرہ، گرم مسالہ، ہلدی پاؤڈر، لال مرچ پاؤڈر اور نمک شامل کریں۔ پین کو ڈھکن سے بند کرکے 10 سے 20 منٹ تک پکائیں۔
جب گوشت گل جائے تو چولہا تیز کریں اور پانی کو مکمل طور پر خشک کرلیں۔ گرل پین کو گرم کریں اور اس پربکے ہوئے گوشت کو رکھیں اور 15 سے 20 منٹ کے لیے گرل کریں۔ مزیدار مٹن چانپیں تیار ہیں۔


افغانی تکہ بوٹی


 

afghani

اجزاء

گائے کا گوشت : ڈھائی کلو بغیر ہڈی

ٹماٹر : آدھا کلو

ادرک : ایک چھٹانک

مرچ : حسب ضرورت

دھنیا : حسب ضرورت

پیاز : آدھا پاﺅ

آلو : آدھا کلو

نمک : حسب ضرورت

ترکیب

گوشت کے چھوٹے چھوٹے قتلے کر لیں ایک برتن میں گھی ڈال کر تل لیں اس میں دھنیا ،پسی ہوئی ادرک ڈال کر بھونیں اور پانی اتنا ڈال دیں کہ گوشت گل جائے ،پیاز اور ٹماٹروں کے چھ چھ ٹکڑے کر لیں ،آلو ابال کر ان کی ٹکیاں بنا لیں جب گوشت گل جائے تو تمام اشیاءشامل کرکے ہلکی آنچ پر پانچ منٹ پکائیں کھانے کا مزہ دوبالا ہوجائے گا۔


مغز مصالحہ


 

brain

اجزاء

مٹن مغز : دو عدد

لہسن ادرک : ایک کھانے کا چمچ

مکھن  : ایک سو پچاس گرام

سرخ مرچ : ایک چائے کا چمچ

پسا گرم مصالحہ : ڈیڑھ چائے کا چمچ

ہری مرچیں‌: تین عدد

سرخ ٹماٹر : تین عدد

پیاز ابلی ہوئی : دو عدد

ہلدی : ڈیڑھ چائے کا چمچ

دہی : دو کھانے کے چمچ

ہرا دھنیا : آدھی گڈی

 ترکیب

مغز ابال کر جھلی صاف کرکے چھوٹے چھوٹے ٹکڑے کر لیں۔ توے پر مکھن کی ٹکیہ ڈال دیں اب لہسن ،ادرک،ہلدی،نمک،مرچ ،ٹماٹر اور پیاز کا پیسٹ ڈال کر خوب بھونیں اور مغز شامل کر دیں۔ خوب بھونیں کچھ دیر ڈھکن لگا دیں جب مصالحہ سرخ ہوجائے تو دہی شامل کر دیں آخر میں گرم مصالحہ اور ہرا مصالحہ ڈال کر دو تین منٹ دم پر رکھ دیں۔

Print Friendly, PDF & Email

Comments

comments

یہ بھی پڑھیں