The news is by your side.

Advertisement

کراچی کے مختلف علاقوں میں پولیس کی کارروائیاں 8 ملزمان گرفتار

کراچی: شہر قائد کے مختلف علاقوں میں پولیس نے کارروائیاں کرتے ہوئے 8 ملزمان کو گرفتار کرکے اسلحہ برآمد کرلیا۔

تفصیلات کے مطابق کراچی کےعلاقے شاہ فیصل کالونی میں اسٹریٹ کرمنلزعوام کے ہتھے چڑھ گئے،علاقہ مکینوں نے اسٹریٹ کرمنلز کو تشدد کا نشانہ بنا کر پولیس کے حوالے کردیا۔

گڈاپ پولیس نے اسنیپ چیکنگ کے دوران اسٹریٹ کرائم میں ملوث دوملزمان گرفتار کیے، ملزمان کے قبضے سے دوغیر قانونی پستول، موبائل فونز اور مسروقہ موٹرسائیکل برآمد کی۔

پاپوش نگرپولیس نے کارروائی کرتے ہوئے بینک گارڈ سے اسلحہ چھیننے والے ملزم جہانگیر کو سی سی ٹی وی کی مدد سے گرفتار کرلیا، چھینا گیا پستول اور واردات میں استعمال ہونے والی موٹرسائیکل بھی برآمد کرلی۔

سچل میں پیراڈائز بیکری کے قریب پولیس نے شیشہ بار پر چھاپے کے دوران پانچ ملزمان گرفتار کیے، پولیس نے بڑی تعداد میں فلیورڈ تمباکو اور شیشہ بار کا دیگر سامان تحویل میں لے لیا۔

کراچی کے مختلف علاقوں میں پولیس کی کارروائیاں‘ 4 ملزمان گرفتار


یاد رہے کہ گزشتہ روز کراچی کے مختلف علاقوں میں پولیس نے کارروائیاں کرتے ہوئے 4 ملزمان کو گرفتار کرکے اسلحہ اور مسروقہ سامان برآمد کیا تھا۔

Comments

comments

یہ بھی پڑھیں