فرانس میں مسجد کے باہر فائرنگ‘ 8افراد زخمی -
The news is by your side.

Advertisement

فرانس میں مسجد کے باہر فائرنگ‘ 8افراد زخمی

پیرس : فرانسیسی پولیس کا کہناہےکہ جنوبی فرانس میں مسجد کے باہر فائرنگ کے واقعے میں آٹھ افراد زخمی ہوگئے ہیں۔

تفصیلات کےمطابق جنوبی فرانس میں ایوینیوں کے علاقے میں اتوار کی رات مقامی وقت کے مطابق رات ساڑھے دس بجے نمازی الرحمہ مسجد سے نکل رہے تھے جب رینالٹ کلیو گاڑی میں سوار دو افراد نے نمازیوں پر فائرنگ کر دی۔

پولیس حکام کا کہناہےکہ ابتدائی تحقیقات سے فائرنگ کا واقعہ دہشت گردی نہیں لگ رہا تاہم یہ مکنہ طور پر گینگز کی آپسی لڑائی کا نتیجہ ہو سکتا ہے۔

پولیس کا کہنا ہے کہ وہ اس واقعے سے ایک دہشت گردی کے واقعے کے طور پر نہیں نمٹ رہے ہیں۔

دوسری جانب لے پرووانس نامی مقامی اخبارکےمطابق چار افراد مسجد کے باہر زخمی ہوئے جبکہ دیگر چار افراد پچاس میٹر کے فاصلے پر واقعے ایک فلیٹ میں زخمی ہوئے جن میں ایک سات سالہ بچی بھی شامل ہے۔


پیرس: مسجد کےقریب ہجوم پرگاڑی چڑھانےکی کوشش کرنےوالا شخص گرفتار


یاد رہےکہ تین روز قبل فرانس کےدارالحکومت پیرس میں پولیس نے مسجد کے قریب لوگوں پر گاڑی چڑھانےکی کوشش کرنےوالےشخص کو گرفتارکرلیاتھا۔


لندن، خاتون نےعید گاہ کے باہرنمازیوں پرگاڑی چڑھا دی


واضح رہےکہ گزشتہ ہفتےبرطانیہ میں کار سوارخاتون نےعید کی نما زپڑھ کر باہر آنے والے افراد پرگاڑی چڑھا دی جس کے نتیجے میں 3 بچوں سمیت 6 افراد زخمی ہوگئےتھے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

Comments

comments

یہ بھی پڑھیں