لکھنؤ : بھارت کے شہر لکھنؤ میں شدید طوفان کے باعث دردناک حادثہ پیش آیا ہے، جس میں اسٹیڈیم کا بورڈ گرنے سے ماں بیٹی بورڈ کے نیچے دب کر ہلاک ہوگئیں۔
یہ واقعہ گزشتہ شام 5 مئی بروز پیر کو علاقے میں شدید طوفان کے تیز جھونکے کے باعث پیش آیا، اسٹیڈیم کا دیوہیکل سائن بورڈ طوفانی ہوا کے تھپیڑے برداشت نہ کرسکا اور زمیں بوس ہوگیا۔
بھارتی میڈیا کے مطابق جب ایکنا اسٹیڈیم کا بورڈ گرا تو اس کے نیچے کھڑی ایک کار کے دب جانے کی بھی اطلاع ملی جس میں ماں بیٹی سمیت تین افراد موجود تھے۔
Lucknow | Three people were injured after a board put up at Bharat Ratna Shri Atal Bihari Vajpayee Ekana Cricket Stadium fell on a moving car today
All three persons including a man and two women have been shifted to a local hospital. The board fell due to strong winds: Police pic.twitter.com/4eIegdXAgy
— ANI UP/Uttarakhand (@ANINewsUP) June 5, 2023
واقعے کی اطلاع ملتے ہی امدادی کام شروع کردیا گیا تاہم دو خواتین اسپتال میں دوران علاج دم توڑ گئیں تاہم ڈرائیور شدید زخمی ہے جس کی حالت تشویشناک بتائی جارہی ہے، سائن بورڈ گرنے سے کار بری طرح تباہ ہوگئی۔
