The news is by your side.

Advertisement

سائیکلوں کی ‘سیٹیں’ چوری کرنے والا معمر شہری گرفتار ، پولیس کو کیا وجہ بتائی؟

ایسے چوروں کے بارے میں تو آپ نے اکثر سنا ہو گا جو گاڑیاں، موٹر سائیکلیں یا سائیکلیں چراتے ہیں، مگر آپ نے سائیکلوں کی سیٹیں چرانے کے بارے میں شاید ہی کبھی سنا ہو۔

اے آر وائی نیوز کے پروگرام ‘ہوشیاریاں’ میں اس خبر کا تذکرہ ہوا، تو چونکا دینے والے انکشافات سامنے آئے، واقعہ کچھ یوں ہے کہ ٹوکیو سے تعلق رکھنے والا 61 سالہ اکیو ہیتوری کو سائیکلوں کی سیٹیں چوری کرنے کے الزام میں گرفتار کیا۔

پولیس کے مطابق ہم نے اس ایک سیٹ کو ڈھونڈنے کی خاطر اکیو ہیتوری کے گھر پر چھاپہ مارا تھا اور ہم اس کے گھر میں یہ منظر دیکھ کر حیران ہو گئے کے اس کے پاس ایک نہیں بے شمار سائیکلوں کی سیٹیں موجود ہیں جن کی تعداد لگ بھگ 200 کے قریب ہے۔

اکسٹھ سالہ معمر شخص نے پولیس کو اپنے بیان میں بتایا کہ پچھلے سال ان کی سائیکل کی سیٹ چوری ہو گئی تھی اور اس معاملے کو انہوں نے پولیس میں رپورٹ نہیں کرایا تھا، جس کے بعد انہوں نے بدلے کے طور پر سب کی سائیکلوں کی سیٹیں چرانے کا فیصلہ کیا۔

اکیو ہیتوری نے پولیس کو بتایا کہ میں چاہتا تھا کہ میری سائیکل کی سیٹ چوری ہونے کے بعد مجھے جو تکلیف ہوئی دوسروں کو بھی ویسے ہی تکلیف محسوس ہو۔

Comments

یہ بھی پڑھیں