بیلجیم : گیراج میں گاڑی کھڑی کرنے کا ایسا انوکھا انداز جو آپ نے یقیناً پہلے کبھی نہیں دیکھا ہوگا، 88سالہ بزرگ نے گاڑی سے چھ سینٹی میٹر بڑے گیراج میں کار مہارت سے پارک کرکے سب کو حیرت میں مبتلاکردیا۔
ان دنوں سوشل میڈیا پر ایک ایک ویڈیو وائرل ہورہی ہے جس میں دیکھا جاسکتا ہے کہ ہالینڈ کے ایک 88سالہ بزرگ یوجین اپنے گیراج میں گاڑی کھڑی کررہے ہیں، انہوں نے بتایا کہ میری کار کی چوڑائی صرف1.49میٹر چوڑی ہے اور گیراج 1.55 میٹر چوڑا ہے۔
جس کے بعد وہ اپنی گاڑی کو بہت آسانی سے اور بغیر کسی کی مدد کے اس اندر داخل ہوتے ہیں۔ گیراج کی دیواروں اور کار کی باڈی میں صرف چھ سینٹی میٹر کا فاصلہ ہے دیکھنے والے اس بات حیران ہیں کہ وہ گاڑی کھڑی کرنے کے بعد اس سے کیسے باہر آئیں گے۔
اسی دوارن گاڑی چند قدم کے فاصلہ طے کرکے ان کے گھر کے دروازے کے پاس رکتی ہے۔ وہ کار کے اندر بیٹھے بیٹھے گھر کا دروازہ کھولتے ہیں اور بہت نپے تلے انداز میں کار کا دروازہ گھر کے دروازے کے اندر کھول دیتے ہیں اور وہ باہر آکر دروازہ بند کر دیتے ہیں۔
یہاں یہ امر قابل ذکر ہے کہ یہ ویڈیو کلپ تقریباً10 سال پرانا ہے۔ یوجین جن کی عمر اس وقت 88 سال تھی اور ان کا 2016 میں انتقال ہوگیا تھا۔
