آپ نے بہت سارے ایسے لوگوں کو دیکھا ہوگا جو انجکشن لگوانے سے بہت زیادہ خوفزدہ ہوتے ہیں۔
اکثر اوقات تو خوفزدہ ہونے والے شخص کو بچوں کی طرح زبردستی پکڑ کر انجکشن لگوانا پڑتا ہے ، وہ اس دوران چیخ پکار کرتا رہتا ہے مگر جب عمل مکمل ہوجائے تو خود اپنے اوپر ہنستا ہے۔
کرونا کی روک تھام کے لیے ویکسی نیشن انجکشن کی صورت ہی شہریوں کو دی جارہی ہے تاکہ وہ اس وائرس سے محفوظ رہ سکیں۔
ایسے میں انجکشن لگوانے سے خوفزدہ ہونے والے لوگوں کے لیے بڑی مشکل ہے کیونکہ انہوں ویکسی نیشن ایک ہی طریقے سے ہرصورت کروانی پڑ رہی ہے۔
انٹرنیٹ پر ایک ایسی ہی بوڑھی خاتون کی ویڈیو وائرل ہوئی جن کو اہل خانہ ویکسین لگوانے کے لیے اسپتال لائے اور پھر زبردستی پکڑ کر ویکسین لگوائی۔
#VaxPhobia 😢😢😢😢😢😢HUMOUR again…☺️☺️☺️😊☺️
Perhaps she would have more pain where others "held” her than at PRICK. pic.twitter.com/0W3yvkQrtg
— Rupin Sharma IPS (@rupin1992) June 29, 2021
ویڈیو میں دیکھا جاسکتا ہے کہ ایک ہیلتھ ورکر نے خاتون کو پکڑا ہوا ہے جبکہ وہ انجکشن لگوانے کے دوران چیخ پکار کرتے ہوئے نہ لگانے کی التجا کررہی ہیں، جس پر انہیں ہیلتھ ورکر سمجھانے کی کوشش بھی کررہی ہے۔
مزے کی بات یہ ہے کہ جب خاتون کو ویکسین لگ گئی تو کمرے میں موجود تمام لوگ ہنسنے لگے، جس پر وہ خود بھی شرمندہ ہوئیں۔