کراچی: پاکستان کی نامور اداکارؤں نے بتایا ہے کہ انہوں نے گوری رنگت بنانے یا جلد کو پرکشش بنانے والی کریموں کی تشہیر نہیں کی۔
سماجی رابطے کی ویب سائٹ پر برطانوی صحافی نے ایک ٹویٹ کیا اور پوچھا کہ کیا مجھے کوئی ایسے پاکستانی اور بالی ووڈ اسٹارز کے نام بتاسکتا ہے کہ جنہوں نے گوری رنگت والی کریموں کے اشتہارات میں کام کرنے سے انکار کیا ہو۔
اُن کے ٹویٹ کے بعد پاکستانی اداکاراؤں نے ٹویٹ میں بتایا کہ وہ پیش کش کے باوجود بھی ایسے اشتہار کو مسترد کرچکی ہیں۔
ایسی پاکستانی اداکاراؤں میں صف اول کی اداکارائیں عائشہ عمر، ماہرہ خان، صنم سعید، حریم فاروق اور گلوکارہ مومنہ مستحسن سمیت دیگر شامل ہیں۔
پاکستانی اداکاراؤں نے ٹویٹ پر جواب دیتے ہوئے بتایا کہ انہوں نے بھاری معاوضے کی پیش کش کے باوجود بھی ایسے کام سے انکار کیا۔
اداکارہ صنم سعید نے لکھا کہ انہوں نے ایسے اشتہارات میں کبھی کام نہیں کیا۔
🙋🏽♀️
— Sanam Saeed (@sanammodysaeed) June 5, 2020
صنم سعید کے ٹویٹ پر جواب دیتے ہوئے عائشہ عمر نے لکھا کہ ’میں نے بھی کبھی ایسے اشتہارات میں کام نہیں کیا اور نہ ہی مستقبل میں ایسا کوئی ارادہ ہے‘۔
انہوں نے مزید لکھا کہ ’مجھے ماضی میں ایسے اشتہارات میں کام کرنے کی پیش کش بھی ہوئی، مگر کبھی ایسے اشتہارات میں کام کرنے کا ارادہ نہیں کیا‘ ۔
Me! 🙋🏻♀️ been refusing offers to endorse various skin whitening products since 12 years. Have a very strong stance against it. https://t.co/UcMJ32L2Do
— Ayesha Omar (@ayesha_m_omar) June 5, 2020
بین الاقوامی شہرت یافتہ نامور پاکستانی اداکارہ ماہرہ خان نے لکھا کہ ’میں نے بھی کبھی ایسے اشتہارات میں کام نہیں کیا، جب میں وی جے کے طور پر کام کررہی تھی تب بھی کام کرنے سے انکار کیا تھا‘۔
Been refusing ever since I was a VJ till now. Never endorsed a skin lightening product. https://t.co/uGB1vPyaGX
— Mahira Khan (@TheMahiraKhan) June 5, 2020
اداکارہ حریم فاروق نے بھی بتایا کہ اُن کا شمار بھی کام نہ کرنے والوں میں ہوتا ہے۔ گلوکارہ مومنہ مستحسن نے اپنے ٹویٹ میں بتایا کہ انہوں نے بھی کبھی ایسے اشتہارات میں کام نہیں کیا۔
مومنہ نے لکھا کہ ’میں نے ہمیشہ رنگ گورا کرنے والی مصنوعات کی تشہیر کی پیش کش کو مسترد کیا، اگر اسی طرح ہم سب ذمہ داری کا مظاہرہ کریں تو تبدیلی آسکتی ہے‘۔
Same here 🙋🏻♀️ Always turned down all fairness product endorsements. The amount of melanin in your skin has nothing to do with how beautiful you are.
If we ALL responsibly refuse whitening endorsements, it might cause a shift in the market. We have the power to change the narrative https://t.co/KSKh1XZ0yB— Momina Mustehsan (@MominaMustehsan) June 5, 2020
علاوہ ازیں اداکارہ زارا نور عباس نے اپنے انسٹاگرام اکاؤنٹ پر ایک سیاہ فام افریقی بچی کی ویڈیو شیئر کی جو نسل پرستی کے خلاف تقریر کررہی تھی۔