معروف پاکستانی گلوکار ابرار الحق نے 8 فروری 2024 کو ہونے والے الیکشن میں بطور امیدوار حصہ نہ لینے کا اعلان کردیا۔
سماجی رابطے کی ویب سائٹ ایکس (ٹوئٹر) پر جاری بیان میں گلوکار ابرار الحق نے لکھا کہ ’میں الیکشن نہیں لڑرہا ہوں لیکن میں اپنے کاغذات نامزدگی بروقت واپس نہیں لے سکتا‘
انہوں نے لکھا کہ ’میرے لیے زیادہ ضروری تھا کہ میں ایک سنگل ووٹ کی اہمیت کا پیغام آپ تک پہنچا سکوں، اللہ تعالیٰ پاکستان اور پاکستانیوں کا حامی و ناصر ہو۔‘
I am not contesting election 2024. I couldn’t withdraw my documents in time therefore I thought it is appropriate to give a public message as even a single vote counts . May Allah swt bless Pakistan and Pakistanis.
— Abrar Ul Haq (@AbrarUlHaqPK) February 6, 2024
واضح رہے کہ ابرار الحق الیکشن کے لیے کاغذات نامزدگی جمع کروائے تھے۔
یاد رہے کہ سال 2023 میں 9 مئی کے پرتشدد واقعات کے بعد گلوکار ابرار الحق نے پی ٹی آئی سے لاتعلقی کا اعلان کردیا تھا۔
خیال رہے کہ کل ملک بھر میں عوام حق رائے دہی استعمال کریں گے، ووٹ ڈالنے کے لیے رائے دہندگان کو صبح 8 بجے سے لے کر شام 5 بجے تک کا وقت دیا گیا ہے۔
